Барилга, хот байгуулалтын сайд Ц.Баярсайхан эрхлэх асуудлын хүрээний харьяа байгууллага, агентлаг, газрын дарга нартайгаа 2013 онд ажиллах үр дүнгийн гэрээг байгуулж, талууд гарын үсэг зурлаа.

Үр дүнгийн гэрээ байгуулна гэдэг бол тухайн байгууллагын өнгөрсөн жилийн ажлыг дүгнэж ирэх жилийн ажилд нь итгэл хүлээлгэж байгаа нэг хэлбэр юм. Жил бүр уламжлал ёсоор БХБ-ын сайд харьяа байгууллагын дарга болон газрын дарга, төсвийн ерөнхий менежерүүдтэй үр дүнгийн гэрээ байгуулдаг. Үр дүнгийн гэрээ байгуулахын өмнө сайд Ц.Баярсайхан “Ил тод, нээлттэй, авлигаас ангид, шударга шуурхай ажиллана гэдэгт итгэлтэй байна” хэмээсэн юм.