Иргэдийн санал хүсэлтийг иймэрхүү байдлаар шийдэж байна
Шинэчлэлийн Засгийн Газар төрийн хүнд суртлыг халж, хурдан шуурхай үйлчилгээг иргэдэд хүргэх үүднээс “11-11” төвийг байгуулсан. Энэ төв нь иргэдийн саналыг 10 сувгаар хүлээн авч, түүнд тодорхой хариулт өгөх үүрэгтэй.
Төвийн танилцуулгад “Бүрэн автоматжсан системийг ашиглаж санал хүсэлт, шүүмжлэл, гомдол, талархал нэг бүрийг алдахгүй хүлээн авч холбогдох байгууллагад шилжүүлэн түүний хяналт, хэрэгжилтэнд үнэлэлт дүгнэлт өгнө” гэжээ. Харин тус төвөөс Барилга, хот байгуулалтын яаманд хүргүүлсэн асуултууд бусад төрийн байгууллагатай харьцуулахад маш хангалтгүй хариулттай байна. Барилгын салбартай холбогдох 100.000 айлын хөтөлбөр, барилгын салбарыг дэмжих төрөл бүрийн хөнгөлөлттэй зээлийн асуудал гэх мэтчилэн олон асуулт тэнүүчилсээр. Төрөөс олон сайхан зүйл амлаж зарласан хэрнээ яг хэзээнээс яаж хэрэгжүүлэхээ одоог хүртэл шийдэхгүй нийгэмд хүлээлт, эргэлзээ, шуугиан дэгдээж орхиод тайлбар хийхгүй таг болчих юм. Ингээд иргэд БХБЯ-аас юуг асууж сонирхсон, тэдгээрт хэрхэн хариулт өгсөн талаар сонирхуулъя.
Иргэн: 8%-ийн хүүтэй байрны зээл гаргахаар байрны үнэ бүр өсөөд байна. Нэг хүний нэр дээр 1-2 байр байж болно, үүнээс их байр бүртгэлтэй байж болохгүй гэсэн хууль гаргах хэрэгтэй байна. Ченжүүд байрны үнийг өсгөж байна. Байр зарахад татвар авдаг. Үүнээс зугтаах гээд 2 гэрээ хийдэг. Үүний оронд татварынхаа хэмжээг багасгах хэрэгтэй байна.
БХБЯ: хариу өгөөгүй \3 өдрийн өмнө үүссэн\
Иргэн: 100,0 айлын орон сууцтай холбогдуулаад барилгын компаниудад хөнгөлөлттэй зээл олгоно гэсэн. Энэ зээлийг ямар шаардлага хангасан барилгын компаниудад олгож байгаа бэ? Хугацаа нь хэдийгээр яаж хэрэгжиж байгаа бэ? Энэ талаар дэлэгрэнгүй мэдээлэл авах хүсэлтэй байна.
БХБЯ: хариу өгөөгүй \ 1 өдрийн өмнө үүссэн\
Иргэн: САЙД НАР ЯАГААД ХУДАЛ ЯРИАД БАЙНА ВЭ? Бид маш их гомдолтой байна.Барилга угсралтын Маш чадварлаг бригадтай юм. Гадаадын иргэдийг нэг компанид 30%-аас дээш ажиллуулахгүй гэсэн. Дан хужаа нар ажилладаг юун 30%. Бүгд л гадаадын иргэд ажилладаг компаниуд байна. Тэр компанид дахин 300 Хужаа ороод ирлээ. Хууль гарсан юм уу? Ядаж ганц ч Монгол ажилчин алга. Иймээс Монголчуудын компани, Монгол ажилчид ажилгүй болж байна. Ер нь Хятад ажилчид ажилд муу шүү дээ. Бид Солонгост бүгд барилгын чиглэлээр 10-аад жил ажиллаж байсан.Бид танил талаараа ярьж л ажил олж хийдэг. Гэтэл тэр хятадууд амархаан ажил олоод мөнгөтэй болоод байна. Бид хүлээгээд ажил олдоно гээд байж байтал 300 хужаа ороод ирлээ шүү дээ. !!!
БХБЯ:
Засгийн газрын 2012-2016 оны үйл ажиллагааны хөтөлбөр, "Шинэ бүтээн байгуулалт" дунд хугацааны зорилтот хөтөлбөрийн хүрээнд хотхон хорооллыг цогцолбороор нь барих, үйлдвэрлэлийн технологийг өөрчилж хүчин чадлаа нэмэгдүүлэх зэрэг барилгын салбарын томоохон бүтээн байгуулалтын ажилд оролцох компаниудад гадаадаас зайлшгүй урьж ажиллуулах шаардлагатай байгаа ажиллах хүч, мэргэжилтний хөдөлмөр эрхлэх асуудлыг Хөдөлмөрийн сайдад уламжилж улмаар Засгийн газрын 2013 оны 2 дугаар сарын 23-ны өдрийн 60 дугаар тогтоолоор барилгын салбарт үйл ажиллагаа явуулж байгаа 12 аж ахуйн нэгжид 5030 ажилтанг гадаадаас урьж хөдөлмөр эрхлүүлэх зөвшөөрлийг олгосон.Мөн гадаадаас 2013 онд авах ажиллах хүч, мэргэжилтний эзлэх хувь нь тогтоосон хэмжээндээ хүрч байгаа 11 аж ахуйн нэгжид 824 ажилтанг гадаадаас ажиллуулахыг дэмжиж Хөдөлмөр эрхлэлтийг дэмжих төвд тодорхойлолт гаргаад байна. Гадаадаас авах ажиллах хүч, мэргэжилтэнүүд нь тогтоосон квотоос хэтэрсэн тохиолдолд Хөдөлмөрийн сайд Засгийн газрын хуралдаанаар хэлэлцүүлж шийдвэрлүүлдэг, тогтоосон квотод байгаа тохиолдолд Хөдөлмөрийн яамны харъяа Хөдөлмөр эрхлэлтийг дэмжих төв хөдөлмөр эрхлэх зөвшөөрлийг холбогдох хуулийн дагуу олгож байна. Салбарын яам "Ажиллах хүч гадаадад гаргах, гадаадаас ажиллах хүч, мэргэжилтэн авах тухай" хуулийн 8.2.6 дахь заалтын дагуу тодорхойлолтыг Хөдөлмөрийн яам, Хөдөлмөр эрхлэлтийг дэмжих төвд гаргаж өгч байна.
Иргэн: 100,0 мянган айлын хөтөлбөрт хамрагдсан. 2100 дэх хүн дээр байгаа. Байрны урьдчилгаагаа өгөөд жил болж байна. Энэ асуудлыг яаж шийдэх бэ?
БХБЯ: Хариу өгөөгүй \ 3 өдрийн өмнө үүссэн\
Иргэн: 100.000айлын хөтөлбөрөөс үлдсэн 2000 айлын асуудал юу болох вэ? Шинэ 7-9%-ын орон сууцны хөтөлбөрт шууд хамрагдаж болох юм уу? Үүнд тодорхой мэдээлэл авахыг хүсэж байна.
БХБЯ: Тус яамнаас орон сууцны эрэлт, нийлүүлэлтийг дэмжих, санхүүжилтийн тогтвортой тогтолцоог бий болгох, иргэдийг орон сууцжуулах асуудлаар Засгийн газрын тогтоолын төслийг боловсруулж, Засгийн газрын 2013 оны 4-р сарын 13-ны өдрийн хуралдаанаар хэлэлцүүлж, Засгийн газрын гишүүдийн дэмжлэгийг аваад байна. Шинээр баригдаж, бүрэн ашиглалтад орсон, 80 м2 дээшгүй талбай бүхий орон сууц, эсвэл ашиглагдаж байгаа хуучин орон сууцнаас худалдан авахаар хүсэлт гаргасан, орон сууцны нийт үнийн дүнгийн 10-30 хувийн урьдчилгаа төлбөрийг төлсөн иргэдийг жилийн 8 (±1) хувийн хүүтэй, 20 хүртэлх жилийн хугацаатай, орон сууцны хөнгөлөлттэй зээлд хамруулах харилцааг зохицуулах журмыг баталж, ипотекийн зээлийг арилжааны бүх банкуудаар дамжуулан иргэдэд олгох ажлыг зохион байгуулахыг Эдийн засгийн хөгжлийн сайд Н.Батбаяр, Барилга, хот байгуулалтын сайд Ц.Баярсайхан нарт даалгасан. Үүний дагуу иргэдийг орон сууцны хөнгөлөлттэй зээлд хамруулах харилцааг зохицуулах журмын төслийг холбогдох байгууллагуудтай хамтран боловсруулж байна. Уг журам батлагдмагц, иргэдэд орон сууцны хөнгөлөлттэй зээлийг олгож эхэлнэ. Энэхүү зээлд журмын шаардлагыг хангасан иргэн бүр хамрагдах боломжтой