Газар өмчлөл ба таны үүрэг
Манай сайтад иргэдээс газар өмчлөлийн талаар олон асуулт ирж байгаа учир Монгол улсын иргэнд газар өмчлүүлэхтэй холбогдох эрх үүргийн тухай мэдээллийг бэлтгэн хүргэж байна.
Газар өмчилж авах эрх бүхий иргэн дараах үүрэгтэй:
· Кадастрын зураглалын ба газрын кадастрын тухай хуульд заасны дагуу газрын улсын бүртгэлийн кадастрын зураг хийлгүүлэх
· Өмчлөлийн газрынхаа заагийг газар дээр тэмдэгжүүлэх
· Өмчилж авах газартаа газрын төлөв байдал, чанарын улсын хяналтын баталгаа хийлгүүлэх
· Газар өмчилж авахтай холбогдсон энэ хуулийн 20 дугаар зүйлд заасан баримт бичгийг үнэн зөв бүрдүүлэх
Газар өмчлөгч иргэн дараах үүрэг хүлээнэ:
· Газрын тухай болон Монгол улсын иргэнд газар өмчлүүлэх тухай хууль, холбогдох бусад хууль тогтоомж, тэдгээрийг хэрэгжүүлэхтэй холбогдуулан төрийн эрх бүхий байгууллагаас гаргасан шийдвэрийг биелүүлэх
· Газар тариалангийн газраа зориулалтаар нь ашиглах
· Өмчилж авсан газраа кадастрын болон үл хөдлөх эд хөрөнгийн бүртгэлд, өмчийн газраа бусад иргэдийн өмчлөлд шилжүүлэх, бусдад эзэмшүүлэх, ашиглуулахтай холбогдсон болон барьцааны гэрээг үл хөдлөх эд хөрөнгийн бүртгэлд бүртгүүлэх
· Өмчийн газар дээр нь байрлуулсан заагийн болон геодезийн цэг, тэмдгийг хамгаалах, бүрэн бүтэн байлгах
· Газар өмчлөгч, эзэмшигч, ашиглагч бусад этгээдийн хууль ёсны эрх, ашиг сонирхлыг хохироох, өмчийн газар дээрээ хүн амын эрүүл мэнд, байгаль орчинд сөрөг нөлөөлөх аливаа үйл ажиллагаа явуулахгүй байх;
· Газрын төлөв байдал, чанарыг дордуулахгүй байх;
· Өмчийнхөө газрыг ашиглах явцад барилгын, экологийн, ариун цэврийн, эрүүл ахуйн, галын аюулгүй байдлын болон бусад холбогдох стандарт, дүрэм, журам, шаардлагыг сахиж мөрдөх;
· Өмчийн газрынхаа газрын төлөв байдал, чанарын улсын хянан баталгааг өөрийн зардлаар 5 жил тутамд эрх бүхий байгууллагаар хийлгүүлж байх;
Газар өмчлөгч иргэнд хориглох зүйл:
· Өмчийн газраа худалдах, арилжих, өвлүүлэх, бэлэглэх, барьцаалах зэргээр гадаадын хуулийн этгээд, гадаадын иргэн, харьяалалгүй хүний өмчлөл, эзэмшилд шилжүүлэх;
· Өмчийн газраа энэ хуулийн 29.1-д заасан зөвшөөрөлгүйгээр бусдад эзэмшүүлэх, ашиглуулах;
· Өмчийн газраа хүн амын эрүүл мэнд, байгаль хамгаалал, үндэсний аюулгүй байдлын ашиг сонирхолд харшаар ашиглах;
· Газар тариалангийн газрыг зориулалт бусаар ашиглахыг тус тус хориглодог байна.
Иргэний газар өмчлөх эрх дуусгавар болох
· Өмчийн газраа бусад иргэний өмчлөлд шилжүүлснээр;
· Газар өмчлөх эрхээсээ татгалзсанаар;
· Газар өмчлөгч иргэн Монгол Улсын харьяатаас гарсанаар,
· Хууль тогтоомжид заасан бусад үндэслэлээр иргэний газар өмчлөх эрх дуусгавар болдог.
Иргэний өмчилсөн газрыг хурааж авах үндэслэл:
· Өмчийн газраа худалдах, арилжих, өвлүүлэх, бэлэглэх, барьцаалах зэргээр гадаадын хуулийн этгээд, гадаадын иргэн, харъяалалгүй хүний өмчлөл, эзэмшилд шилжүүлэх
· Өмчийн газраа сум, дүүргийн Засаг даргын зөвшөөрөлгүй бусдад эзэмшүүлэх, ашиглуулах
· Өмчийн газраа хүн амын эрүүл мэнд, байгаль хамгаалал, үндэсний аюулгүй байдлын ашиг сонирхолд харшаар ашиглах
· Газар тариалангийн газрыг зориулалтын бусаар ашигласан бол иргэний өмчийн газрыг хурааж болно гэжээ.