“Florian Busch architects” хэмээх архитектур төлөвлөлтийн студи Японы Токио хотын барилгажилт ихтэй, хүн амын нягтрал өндөртэй нэгэн гудамжинд ер бусын нарийхан байшин сүндэрлүүлэх барилгын ажлаа саяхан дуусгажээ. Уг байшингийн өргөн нь ердөө 4.7 метр, урт нь 22 метр аж.

Хоёр байшингийн хооронд баригдсан энэхүү урт нарийхан байшинг анх харахад хүний амьдрах таатай орчныг бүрдүүлэх эсэхийг бодох нь бүү хэл яаж энд хүн амьдарна даа гэмээр сэтгэгдэл төрүүлдэг. Харин төслийг зохион бүтээгчид хэд хэдэн сонин аргыг сэдсэний үр дүнд эл эгэл бус зорилтоо шийдэж чаджээ. Бетонон үндсэн бүтцийг төвшин болгонд нь 90 градусын өнцөг үүсгэхээр өрсөн нь хана, шал, дээврийг үүсгэдэг байна.

 

 

 

 

 

 

 

 

 

        Цонхны шил, хажуу талын хана нь өргөн уужим мэт мэдрэмж төрүүлэх бөгөөд энэ нь орон байрыг хангалттай байгалийн гэрлээр хангаж чаддаг аж.

Нарийхан урт байшингийн дотор тал нь даавуун хөшгөөр хуваагдсан бөгөөд энэ нь байшингийн давхар болгоны хувь хэмжээг илүү тодотгож харуулж өгдөг. Ингэснээр дотоод засал гэх юмгүй, багахан хэмжээний тавилгатай хүйтэн хөндий мэт бетонон интерьерийг харьцангуй зөөллөж өгдөг байна.

Энэ байшингийн харагдах байдал, хүний хэрэглээг дэмжигч гол “зүрх” нь төмрөөр хийгдсэн дүүжин шат юм.

 

Зай ашиглалт гэж энэ байх даа

 

 

Дотоод засал