Барилгын хөрөнгө оруулагчдын уулзалт болно
“Барилгын хөрөнгө оруулагчдын уулзалт” 5-р сарын 11-ний 10 цагт Мишээл экспо төвийн 2 давхрын хурлын танхимд болно. Тус уулзалтын зорилго нь Барилгын хөрөнгө оруулагчид, үл хөдлөх хөрөнгийн зах зээлд бизнес эрхлэгчдийн өмнө тулгамдаж байгаа асуудлыг шийдвэрлэх гарцыг тодорхойлох, тэдний үйл ажиллагааг дэмжих зорилготой юм.
Уулзалтанд БХБЯам, МҮХАҮТ-ын ҮХХАЗЗХЗөвлөл, МИКорпораци, Эд Хөрөнгийн Эрхийн Бүртгэлийн Газар, Нийслэлийн Ерөнхий Төлөвлөгөөний Газар, Гэр Хорооллын Хөгжлийн Газар, УБДулааны Сүлжээ ТӨХК, УБЦахилгаан Түгээх Сүлжээ ТӨХК зэрэг байгууллагууд оролцож Засгийн газраас хэрэгжүүлж буй төсөл хөтөлбөр, ҮХХ-ийн зах зээлийн өнөөгийн байдал болон УБ хотын Ерөнхий төлөвлөгөө, дэд бүтцийн талаар танилцуулах болно. Энэхүү уулзалт нь “Барилга Экспо 2013”-ийн Шинэ орон сууц, ҮХХ-ийн үзэсгэлэн яармагийн хүрээнд зохиогдож байгаа арга хэмжээ юм.
Уулзалтанд хүрэлцэн ирснээр барилга, ҮХХ-ийн салбарт хэрэгжүүлж буй төсөл, хөнгөлөлттэй зээл тусламжийн талаарх мэдээлэл авч, УБ хотын Ерөнхий төлөвлөгөө, “Барилга Экспо 2013”-ийн Шинэ орон сууц, ҮХХ-ийн үзэсгэлэн яармагийн үйл ажиллагаатай танилцах боломжтой юм.
Иймээс Барилга, ҮХХ-ийн салбарт үйл ажиллагаа явуулж байгаа ААН, байгууллагуудын удирдах ажилтан та бүхнийг хүрэлцэн ирэхийг урьж байна.
Бүртгэл: 91000222, 77111777
Имэйл: expo@barilga.mn
Барилгын хөрөнгө оруулагчдын уулзалт
зохион байгуулах ажлын хэсэг