“Шинэ орон сууц, ҮХХ-ийн үзэсгэлэн” эхэллээ
Өнөөдөр “Шинэ орон сууц, ҮХХ-ийн үзэсгэлэн” нээлтээ хийлээ. Нээлтийн арга хэмжээнд БХБЯ-ны Төрийн захиргаа удирдлагын газрын дарга Ц.Доржпалам, БХБЯ-ны ахлах мэргэжилтэн н.Алтанцэцэг, ОССК-ын Стратеги төлөвлөлт бизнесийн хөгжлийн газрын дарга Д.Энхбаатар зэрэг төрийн байгууллагын удирдах ажилтнууд хүрэлцэн ирж мэндчилгээ дэвшүүлсэн.
Тус үзэсгэлэнгийн арга хэмжээ 10-аас 13-ны хооронд болох бөгөөд “Барилгын хөрөнгө оруулагчдын уулзалт”, оролцогч байгууллагуудын бизнес уулзалт, орон сууцны хөнгөлөлттэй зээл, лизингийн үйлчилгээ зэрэг олон сонирхолтой арга хэмжээ зохиогдох юм.
“Шинэ орон сууц, ҮХХ-ийн үзэсгэлэн” нь барилгын салбарыг дэмжин төрөөс олгож байгаа орон сууцны нийлүүлэлтийг дэмжих зээл, моргейжийн зээл, барилгын материал үйлдвэрлэгч болон импорлогчдын эргэлтийн хөрөнгийн зээлийн талаар бодит мэдээллийг өгч, орон сууцны хөнгөлөлттэй зээлд хамрагдах хүсэлтэй иргэд эртнээс байраа үзэж сонгох боломжийг олгож байгаагаараа онцлогтой.
Үзэсгэлэнд Эд хөрөнгийн эрхийн бүртгэлийн газар, Гэр хорооллын хөгжлийн газар зэрэг төрийн байгууллагууд, Амины орон сууц, Шинэ орон сууц, Гадна тохижилтын, ҮХХ зуучлалын 120 гаруй компани, арилжааны банкууд, мөн ОХУ-аас Газобетон, ЗАО Томскабел зэрэг компаниуд оролцож үйл ажиллагаагаа танилцуулж байгаа билээ.
Хэрэв та:
o Шинэ орон сууцыг хөнгөлөлттэй зээлээр авахыг хүсч байвал
o Амины орон сууц бариулах гэж байгаа болон зуслангийн байшинтай болохоор зорьж байгаа бол
o Байр, орон сууцныхаа гадна талбайг засч тохижуулах гэж байгаа бол
o Үл хөдлөх хөрөнгийн эрхийн бүртгэлтэй холбоотой мэдээлэл авахыг хүсч байгаа бол энэ амралтын өдрүүдэд Мишээл төвд зочлоорой.
БХБЯ-ны ТЗУГазрын дарга Ц.Доржпалам
Ёслолын тууз хайчилснаар “Шинэ орон сууц, ҮХХ-ийн үзэсгэлэн” албан ёсоор эхэллээ.
Нээлтийн арга хэмжээний үеэр урлагийн тоглолт болов
Нээлтийн ёслолд хүрэлцэн ирсэн хүндэт зочид
