Барилгын хөрөнгө оруулагчдын уулзалт боллоо
Өнөөдөр “Шинэ орон сууц, Үл хөдлөх хөрөнгийн үзэсгэлэн”-ийн хүрээнд зохион байгуулсан “Барилгын хөрөнгө оруулагчдын уулзалт” болж өнгөрлөө. Уулзалтын зорилго нь Барилгын хөрөнгө оруулагчид, үл хөдлөх хөрөнгийн зах зээлд бизнес эрхлэгчдийн өмнө тулгамдаж байгаа асуудлыг шийдвэрлэх гарцыг тодорхойлох, тэдний үйл ажиллагааг дэмжихэд оршиж байсан билээ.
Уулзалтанд БХБЯам, Эд Хөрөнгийн Эрхийн Бүртгэлийн Газар, Гэр Хорооллын Хөгжлийн Газар, УБДулааны Сүлжээ ТӨХК, УБЦахилгаан Түгээх Сүлжээ ТӨХК, МҮХАҮТ-ын ҮХХАЗЗХЗөвлөл зэрэг байгууллагууд оролцож нээлттэй мэдээлэл хийлээ. Ингээд уулзалтын үеэр тавигдсан илтгэлүүдийг бүрэн эхээр нь хүргэж байна.
БХБЯ-ны ОСНАА-н БХЗГ-ын мэргэжилтэн Р.Батчимэг Орон сууц, нийтийн аж ахуйн салбарт хэрэгжиж буй төсөл хөтөлбөрийн талаар танилцуулсан.
Дэлгэрэнгүй илтгэлийг энд дарж үзнэ үү
ЭХЭБГ-ын дарга Н.Туяа Үл хөдлөх хөрөнгийн эрхийн бүртгэлтэй холбоотой асуудлаар мэдээлэл хийсэн. Тэрээр Монгол улсын эд хөрөнгийн эрхийн бүртгэлийг зохицуулдаг эрх зүйн орчинг шинэчлэх шаардлага тулгарч байгааг онцлоод бүртгэлийн явцад гардаг хүндрэлийг арилгахын тулд цахим хэлбэр лүү шилжихээр судлаж байгаа гэлээ. Үүний тулд архивын мэдээлэл цаасан хэлбэрээр байгаа тул цахимжуулах ажлыг зохион байгуулж байгаа гэв.
Гэр хорооллын хөгжлийн газрын Хяналт мониторингийн хэлтсийн дарга Б.Өнөрболд Улаанбаатар хотын гэр хорооллын дахин төлөвлөлтийн талаар дэлгэрэнгүй мэдээллийг хүргэсэн.
Дэлгэрэнгүй илтгэлийг энд дарж үзнэ үү
УБДС ТӨХК-ний Ерөнхий инженер Т. Алтангэрэл Улаанбаатар хо
тын Дулаан хангамжийн өнөөгийн байдал сэдвээр мэдээлэл хийсэн.
Дэлгэрэнгүй илтгэлийг энд дарж үзнэ үү.
УБЦТС ТӨХК-ний Техникийн бодлогын инженер Д.Цэрэндамба Цахилгаан түгээх үйл ажиллагаа, түүний өнөөгийн байдлын талаар танилцуулсан.
Дэлгэрэнгүй илтгэлийг энд дарж үзнэ үү.
МҮХАҮТ-ын ҮХХАЗЗХЗөвлөлөөс манай орны ҮХХ-ийн зах зээлийн төлөв байдлын талаар мэдээлэл хийсэн.
Дэлгэрэнгүй илтгэлийг энд дарж үзнэ үү
Өнөөдрийн арга хэмжээ нь барилга, үл хөдлөх хөрөнгийн салбарын 30 гаруй компаний удирдах ажилтнууд хүрэлцэн ирж олон талын нээлттэй мэдээллийг сонсож, тус салбарт тулгамдаад байгаа хүндрэл бэрхшээлийн талаар хэлэлцсэн ажил хэрэгч уулзалт болсон юм.
