Барилгын ажил гүйцэтгэх тусгай зөвшөөрлийн журам шинэчлэгдлээ
Барилгын ажил гүйцэтгэх тусгай зөвшөөрлийн нөхцөлийг хөнгөрүүлэх бодлого баримтална хэмээн БХБЯ-ны сайд Ц.Баярсайхан салбарын хэд хэдэн удаагийн уулзалт, хэлэлцүүлэгт амлаж байсан билээ. Тэрээр хэлсэн үгэндээ “Тусгай зөвшөөрөл авахад шаардлагатай бичиг баримтын тоог цөөлөх, цаашлаад онлайнаар зөвшөөрөл өгдөг болно. Мөн зарим тусгай зөвшөөрлийг салбар газруудад хариуцуулах чиглэлтэй байна. Тухайлбал барилгын материалын үйлдвэрлэлийн тусгай зөвшөөрлийг 10-аад төрийн бус байгууллагыг нэгтгэсэн Барилгын үндэсний хөгжлийн нэгдсэн төвд шилжүүлсэн” хэмээж байсан. Энэхүү амлалт ажил хэрэг болж Тусгай зөвшөөрөл олгох ажлын төрөл, суурь нөхцөл, шаардлага журам шинэчлэгджээ. Энэ ажлын хүрээнд “Барилгын хөгжлийн төв”-өөс Тусгай зөвшөөрөл шинээр олгох өргөдлийг түр хугацаанд зогсоогоод байсан билээ. Харин одооноос шинэ журмын дагуу иргэд, аж ахуй нэгжийн хүсэлтийг хүлээн авахаар боллоо.
1. Tусгай зөвшөөрөл олгох ажлын төрөл, суурь нөхцөл, шаардлага: энд дарж үзнэ үү
2. Tусгай зөвшөөрлийн өргөдөл: энд дарж үзнэ үү.