Алтанбулаг-Улаанбаатар-Замын-Үүдийн чиглэлд энэ хавар барьж эхлэх 1000 гаруй км хурдны замын ажлыг концессын гэрээгээр хийнэ.

2015 онд ашиглалтад орох энэ замыг 2015-2040 онд гүйцэтгэгч нь эзэмшиж, 2040 оноос улсын мэдэлд хүлээлгэн өгөх ажээ.

Төслийн нийт өртөг  3,5 тэрбум ам доллар буюу нэг км автозамыг 3,5 сая ам доллараар барих тооцоо гараад байна.

Манай урд, хойд хоёр хөршийн хоорондох ачаа эргэлт ирэх таван жилд 200 тэрбум  ам.долларт хүрэхээр байгаа бөгөөд энэ том зах зээлийг холбож өгөхөд Алтанбулаг-Улаанбаатар-Замын-Үүдийн чиглэлийн хурдны зам онцгой үүрэг гүйцэтгэх юм.

Түүнээс гадан энэ хурдны замын дагуу дагуул хотууд хөгжих, хот суурин бий болох, үйлчилгээний газрууд нээгдэх гэх мэтээр манай улсын нийгэм эдийн засагт чухал ач холбогдол өгөх юм.

Бүтээн байгуулалтын энэ том төсөлд Магнай трейд, Жаст, Насны зам, Монинжбар, Цаст Импекс зэрэг 10 гаруй Монголын компани мөн Итали, АНУ-ын нэр хүндтэй компаниуд оролцох ажээ.
 
Б.Нар