Нийслэлийн иргэдээс өнгөрсөн долоо хоногт  /03.25 - 03.31/ нийт 723 өргөдөл, гомдол ирүүлсэн байна. Эдгээрээс“Лавлагаа, мэдээллийн төв”-ийн  “Call center-1200” тусгай дугаарын утсаар ирсэн 182 өргөдөл, гомдлын  34-ийг нь, нийслэлийн  www.ub1200.mn цахим хуудсаар ирсэн 29 өргөдөл, гомдлын  6-г нь, шинэчлэлийн Засгийн газрын  “11-11”  төвд  ирсэн 177 өргөдөл, гомдлын 36-г нь , “Иргэдийг хүлээн авах төв”-д ирсэн 205 өргөдөл, гомдлын 56-г нь, нийслэлийн харъяа байгууллагуудад ирсэн 130 өргөдөл, гомдлын 21-ийг нь тус тус шийдвэрлэжээ. Иргэдээс ирсэн дээрх өргөдөл, гомдлыг дунджаар 2 хоног 13 минутад шийдвэрлэсэн байгаа бол шийдвэрлэгдээгүй 570 өргөдөл, гомдол шийдвэрлэх шатандаа байна. Нийт өргөдөл, гомдлыг төрлөөр нь ангилвал Барилга барих хүсэлтийг хүлээн авч шийдвэрлэх тухай 59, Хог цэвэрлэгээ, тээвэрлэлтийн тухай 36,  Барилга барих хүсэлтийг хүлээн авч шийдвэрлэх тухай  33, Цахилгаан, дулаан, усан хангамжийн шугам сүлжээний 24, Газар өмчлөх, эзэмших, ашиглах хүсэлтийн тухай 20, Газрын маргааны тухай 17, Зурган мэдээллийн үйлчилгээний тухай  15,  Буцалтгүй тусламжид хамрагдах тухай 14, Замын хөдөлгөөний зөрчлийн тухай 12, Төрийн албан хаагчийн ёс зүйн тухай өргөдөл, гомдол тус тус иржээ гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.