МОНГОЛ УЛСЫН ЗАСГИЙН ГАЗРЫН ТОГТООЛ

2021 оны 7 дугаар сарын 20-ны өдөр

Улаанбаатар хот

Дугаар 212

ДҮРЭМ ШИНЭЧЛЭН БАТЛАХ ТУХАЙ

Барилгын тухай хуулийн 32.1.7-д заасныг үндэслэн Монгол Улсын Засгийн газраас ТОГТООХ нь:

1. “Барилга байгууламжийг ашиглалтад оруулах дүрэм”-ийг хавсралт ёсоор шинэчлэн баталсугай.

2. Шинэчлэн батлагдсан дүрмийн хэрэгжилтийг улсын хэмжээнд хангуулж ажиллахыг Барилга, хот байгуулалтын сайд Б.Мөнхбаатарт, аймаг, нийслэлийн хэмжээнд хангуулж ажиллахыг аймаг, нийслэлийн Засаг дарга нарт тус тус үүрэг болгосугай.

3. Энэ тогтоол гарсантай холбогдуулан “Дүрэм шинэчлэн батлах тухай” Засгийн газрын 2018 оны 10 дугаар сарын 24-ний өдрийн 317 дугаар тогтоол, “Дүрэм шинэчлэн баталж, тогтоолын хавсралтад өөрчлөлт оруулах тухай” Засгийн газрын 2019 оны 3 дугаар сарын 21-ний өдрийн 108 дугаар тогтоолын 2 дахь заалтыг тус тус хүчингүй болсонд тооцсугай.

Монгол Улсын Ерөнхий сайд Л.ОЮУН-ЭРДЭНЭ

Барилга, хот байгуулалтын сайд Б.МӨНХБААТАР

БАРИЛГА БАЙГУУЛАМЖИЙГ АШИГЛАЛТАД ОРУУЛАХАД БҮРДҮҮЛЭХ ЖИШИГ БАРИМТ БИЧГИЙН ЖАГСААЛТ

1. Төслийн үндсэн мэдээлэл

2. Зураг төсөл боловсруулах гэрээ

3. Зураг төсөл зохиогч аж ахуйн нэгжийн улсын бүртгэлийн гэрчилгээ, тусгай зөвшөөрлийн гэрчилгээний хуулбар

4. Архитектур төлөвлөлтийн даалгавар

5. Техникийн нөхцөл бүрдүүлсэн тухай баримт бичгүүд

6. Газар олголтын захирамж

7. Геодезийн зураглалын ажлын тайлан

8. Магадлалаар баталгаажуулсан инженер-геологийн судалгааны дүгнэлт

9. Магадлалаар баталгаажуулсан ажлын зураг төсөл, төсөв

10. Зураг төслийн магадлалын ерөнхий дүгнэлт, хавсралтын хамт

11. Зохиогчийн хяналт хийх гэрээ

12. Барилга байгууламжийн өөрчлөлтийн зураг

13. Гүйцэтгэгч аж ахуйн нэгжийн улсын бүртгэлийн гэрчилгээ, тусгай зөвшөөрлийн гэрчилгээний хуулбар

14. Захиалагч, гүйцэтгэгчтэй хийсэн гэрээ

15. Барилгын ажлын зөвшөөрлийн гэрчилгээний хуулбар

16. Барилгын үе шатны ажлын гүйцэтгэлийн тэмдэглэл

17. Барилгын ажлын ил, далд ажлын акт

18. Барилгын ажлын явцад барилгын улсын техникийн хяналт хэрэгжүүлсэн байгууллагаас хийсэн хяналт шалгалтаар илэрсэн зөрчил дутагдлыг арилгасан дүгнэлт

19. Барилга угсралтын ажлын үе шат бүрт хяналт хийсэн тайлан, фото зураг

20. Барилгын материалын гарал үүслийн гэрчилгээ, тохирлын гэрчилгээ, лабораторийн дүгнэлт

21. Инженерийн шугам сүлжээний холболтыг техникийн нөхцөлийн дагуу гүйцэтгэсэн эсвэл өөрийн эх үүсвэр ашигласныг баталгаажуулсан тэмдэглэл, холбогдох мэдээлэл

22. Тоног төхөөрөмж угсарсан акт, холбогдох байгууллагаар баталгаажуулсан туршилтын баримт бичиг, зааврын дагуу суурилуулахад хийсэн туршилтын дүгнэлт

23. Зураг төсөл зохиогчийн хяналтын нэгдсэн дүгнэлт

24. Захиалагчийн барилгын техникийн хяналтын нэгдсэн дүгнэлт

25. Бусад холбогдох нэмэлт баримт бичгүүд

Барилга байгууламжийг ашиглалтад оруулах дүрэм

Барилга байгууламжийг ашиглалтад оруулах комиссын бүрэлдэхүүн

Барилга байгууламжийг ашиглалтад оруулах техникийн комиссын дүгнэлт

Барилга байгууламжийг ашиглалтад оруулах комиссын дүгнэлт

Барилга байгууламжийг ашиглалтад оруулах комиссын үүрэг даалгаврын биелэлтийн хуудас

Дээрх файлуудыг татах бол ЭНД ДАРНА уу