Барилгын салбарын төрийн байгууллагын зарим чиг үүргийг төрийн бус байгууллагад шилжүүлэхээр 2012 онд мэргэжлийн төрийн бус 11 холбоод нэгдэн Барилгын Хөгжлийн Үндэсний нэгдсэн төв /БХҮНТ/-ийг байгуулж БХБЯ /хуучнаар ЗТБХБЯ/-тай хамтын ажиллагааны гэрээнд гарын үсэг зурж байсан.

 

      Харин БХБЯ-ны бүтэц зохион байгуулалт өөрчлөгдсөнтэй холбоотойгоор 2013 оны гэрээг шинэчлэн БХБЯ-ны төрийн нарийн бичгийн дарга Р.Эрдэнэбүрэн, БХБЯ-ны Стратеги бодлого төлөвлөлтийн газрын дарга Г.Мэргэнбаяр болон БХҮНТ-ийн Удирдах зөвлөлийн дарга Г.Мягмар, БХҮНТ-ийн гүйцэтгэх захирал М.Цэлмэг нар хамтын ажиллагааны гэрээнд гарын үсэг зурлаа.

 

      Энэхүү гэрээний ач холбогдол үр дүн нь төрийн байгууллагын үйлчилгээг салбарын аж ахуйн нэгжид хүртээмжтэй болгох, норм норматив боловсруулах, барилгын салбарын хөгжлийн асуудлаар мэргэжлийн болон ААН байгууллагуудаас гарч ирсэн санал, бодлогыг төрийн байгууллагад хүргэж шийдвэрлүүлэх үндэсний хэмжээний хөтөлбөр, төлөвлөгөө боловсруулах үндсэн чиг үүрэгт БХҮНТ хамтран оролцож байхаар гэрээнд заагдсан байна.

 

    Хамтын ажиллагааны гэрээнд гарын үсэг зурах үеэр МБМҮХ, МБИХ-ны төлөөлөл болон төрийн байгууллагын холбогдох албаны төлөөлөл оролцлоо.