Өчигдөр барилгын салбарын удирдах ажилтнуудын “Бүтээн байгуулалт-Хөгжил” сэдэвт ээлжит зөвлөгөөн болж өнгөрлөө. Зөвлөгөөн Барилга, хот байгуулалтын сайд Ц.Баярсайханы салбарт баримтлах бодлого, барилгын салбарын эрх зүйн шинэчлэл, хийж хэрэгжүүлэх ажлуудын талаарх илтгэлээр эхэлж  Газрын харилцаа, геодези зураг зүйн газрын дарга Хүрэлшагайгийн илтгэл болон Эдийн засгийн хөгжлийн сайд Н.Батбаяр, Хөдөлмөрийн дэд сайд Ж.Батхуяг нарын бүтээн байгуулалтын салбарын хөрөнгө оруулалт, ажиллах хүчний тухай хийсэн мэдээллээр үргэлжилсэн.

 

 

 

 

 

 

 

 

 

 

 

·         100 % ашиглалтанд орсон байр

·         Орон сууцны талбайн хэмжээ 80 м²-аас дээшгүй

·         Урьдчилгаа 10-30 хувь

·         Зээлийн хүүгийн хэмжээ жилийн 8±1

·         Зээлийн эргэн төлөх хугацаа 20 хүртэл жил байна.

Барилгын материал үйлдвэрлэгчдийг дэмжихэд 64 тэрбум, импортлогчдын эргэлтийн хөрөнгийн зээлд 265 тэрбум, Улаанбаатар хотод баригдах хороолол, гэр хорооллын дэд бүтцийг шийдэхэд 200 тэрбум, Буянт-Ухаа цогцолборт баригдах барилга угсралтын ажилд 72 тэрбум төгрөгийг тус тус зарцуулахаар төлөвлөөд байна. Үүнээс арматур импортлогч 21 компанид 130.050 тэрбум, цемент импортлогч 45 компанид 89.062 тэрбум, барилгын материал үйлдвэрлэгчдийг дэмжих зорилгоор цемент үйлдвэрлэгч 3 компанид 14.0 тэрбум, арматур төмөр хийц үйлдвэрлэгч 4 компанид 13.9 тэрбум, хайрга, дайрга, элс нийлүүлэгч 8 компанид 6.3 тэрбум, зуурмаг үйлдвэрлэгч 7 компанид 14.8 тэрбум төгрөгийн зээл тус тус олгоно.  100.000 айлын орон сууц хөтөлбөрийг үргэлжлүүлж иргэдээ хохиролгүй болгохын тулд орон сууцны нийлүүлэлтийг дэмжиж, барилгын компаниудад 300 тэрбум төгрөгийн зээл олгохоор шийдвэрлэлээ. Бага дунд орлоготой иргэддээ зориулж орон сууцны хөнгөлөлттэй зээлэнд 800 тэрбумыг зарцуулахаар батласан.  Хүн зээлтэй болсноор хувь хүний хариуцлага нэмэгдэнэ, зээлээ эргэн төлөхийн тулд нэг ажлын байранд тогтвортой ажиллах нөхцөл бүрдэнэ.

 

 

Мөн барилгын салбарт 575 стандарт, 437 норм норматив мөрдөгдөж байгаа бөгөөд эдгээрийн ихэнхи хоцрогдсон, хэрэглэгдэхээ больсон учир Америк, Канад, Европ стандартыг судалж, Монгол оронд нутагшуулах ажлуудыг зохион байгуулахаа мэдэгдсэн. Өнөөг хүртэл барилгын салбарын хүнд суртлын гол бай болсоор ирсэн тусгай зөвшөөрлийн талаар барилгын угсралтын 2031, зураг төслийн 312, өргөх байгууламжийн 51, барилгын материал үйлдвэрлэлийн 105 тусгай зөвшөөрөл олгогдсон байдаг бөгөөд одооноос тусгай зөвшөөрлийг хурдан шуурхай, хүнд сурталгүй олгодог болохын тулд цахим хэлбэрт шилжүүлэх, бүртгэлийн журмаар энэ ажлыг зохион байгуулдаг болно. Улаанбаатар хотын төвлөрлийг сааруулахын тулд энэ онд бүх аймгийн төвүүдэд шинэчилсэн дахин төлөвлөлт хийнэ, аймаг бүрт 1000 айлын орон сууц барьж дэд бүтцийн асуудлыг шийдвэрлэхээр төлөвлөөд байгаа. Улаанбаатар хот болон орон нутгуудад хийгдэж байгаа дахин төлөвлөлтийн ажлыг хэрэгжүүлэхэд гадаадын зураг төслийн байгууллагууд хамтран ажиллах бөгөөд харин манай зураг төслийн байгууллагууд цаашид гадны мэргэжилтнүүдтэй нягт харилцаа холбоотой байж, харилцан туршлага солилцон, ур чадвараа сайжруулах шаардлагатайг санууллаа.

Түүнчлэн барилгын салбарт улирлын хамааралтай, барилгын үйлдвэржилтийн түвшин доогуур, ажиллах хүч дутагдалтай, норм норматив хоцрогдсон, зураг төслийн бодлого алдагдсан, барилгын материал импортын бүрэн хамааралтай гээд олон бэрхшээл байдаг ч эдгээрийг шийдвэрлэхийн тулд эрх зүйгээсээ эхлээд олон шинэчлэл өөрчлөлтийн ажлыг эхлүүлээд байгаа, цаашлаад Монгол орны бүтээн байгуулалтыг илүү чанартай, аюулгүй, иргэдэд хүртээмжтэй байдлаар зохион байгуулахын тулд барилгын салбарт үйл ажиллагаа явуулж байгаа хувийн хэвшлийнхэнтэй илүү ойр хамтарч ажиллах ёстой гэсэн юм.                          

        Зөвлөгөөнийг үргэлжлүүлж Ерөнхийлөгчийн Тамгын Газрын дарга П.Цагаан Монгол улсын Ерөнийлөгч Ц.Элбэгдоржоос барилгын салбарынханд илгээсэн мэндчилгээг уншиж хүргэсэн бөгөөд үүний дараагаар Барилгын хөгжлийн төвийн дарга Б.Баярсайхан, Эдийн засгийн хөгжлийн сайд Н.Батбаяр, Хөдөлмөрийн дэд сайд Ж.Батхуяг нар мэдээлэл хийсэн.

 

 

Хөдөлмөрийн дэд сайд Ж.Батхуяг илтгэлдээ барилгын салбар бол мэргэжилтэй ажиллах хүч хамгийн их дутагдалтай байгаа салбар гэдгийг онцлоод энэ асуудлыг шийдвэрлэхийн тулд Үндэсний мэргэжилтэй ажилтан бэлтгэх хөтөлбөр батлаад хэрэгжүүлж байгаа, эхний шатанд 7000 ажилтан бэлтгэхээс 5000 хүнийг төгсгөөд үйлдвэр дээр дадлагажуулж байна. Мөн суралцагчдыг компаний захиалгаар сургах нь их үр дүнтэй байдаг, цаашид барилгын салбарын боловсон хүчин бэлдэхдээ практик талыг илүү анхаарсан загварын сургалтыг зохион байгуулна гэлээ.

Эдийн засгийн хөгжлийн сайд Н.Батбаяр илтгэлдээ Улаанбаатар хотын төлөвлөлт өдийг хүртэл эмх замбараагүй явж ирсэн гэдгийг шүүмжлээд хотоо хөгжүүлье гэвэл бидэнд гудамж, уулзвар, гэр хорооллын гудамж, хурдны зам хэрэгтэй. Авто замаа ч барья, гэрэлтүүлгээ ч хийе, ингэж хамтад нь  гудамжаа тохижуулъя. Хотын төвийн хэсэгт нийт 119 шинэ гудамжтай болох шаардлага байгаа. Мөн одоо байгаа уулзварууд хөрөөний ир шиг эмх цэгцгүй байгаа учраас түгжрэл үүсээд байна. Түгжрэлийг шийдэх арга бол ердөө л төлөвлөлтийн асуудал, иймээс хотын хэмжээнд байгаа 33 уулзварыг 4 замын уулзвар болгож өөрчилье.

 

 

Гэр хорооллоо тохилог зам, гэрэлтүүлэг бүхий гудамжтай болгоё. Үүнээс гадна Улаанбаатар хотод хурдны зам зайлшгүй хэрэгтэй. Нийт 122 км хурдны зам тавих бөгөөд үүнд 200 сая долларын санхүүжилт шаардагдана. Ер нь барилгын салбарынханд тулгардаг гол асуудал бол санхүүжилт. Иймээс Засгийн газар зээлийн хүүг нэг оронтой тоонд оруулахаар болсон. Харин барилгын салбарынхан нэгдэж нийлэх хэрэгтэй байна. Нэгдсэн бодлогоо гарга, тэгвэл санхүүжилт өгөх бүрэн боломжтой. Гэхдээ зээл өгөхдөө юуны өмнө барилгын үнэ, чанар ямар байх вэ гэдгээ тодорхой болгох хэрэгтэй. Эцэст нь хэлэхэд мөнгө бол баялаг бүтээхгүй, хүн баялгийг бүтээнэ шүү гэсэн юм.

 

 

       Эдгээр илтгэлийн дараагаар зөвлөгөөнд оролцогч төлөөлөгчдийн дунд хэлэлцүүлэг өрнөсөн. Хэлэлцүүлгийн үеэр ахмад барилгачдаас барилгачдаа урамшуулъя, 3 жилийн дараа болох Барилгын салбарын 90 жилийн ойг угтаж бүтээлч ажлуудыг зохион байгуулъя, бусад аймаг сумдаа хотын хэмжээнд хөгжүүлэх хэрэгтэй, хилийн боомтуудаа хурдан барьж ашиглая, мэргэжлийн зэрэг олгох ажлыг  мэргэжлийн байгууллагад шилжүүлье, инженерийн зэрэг олгох шалгуур илүү өндөр байх ёстой, барилгын хаягдлаа эргүүлж ашиглаж байя, барилгын салбарт эрдэм шинжилгээний байгууллага хэрэгтэй, энэ байгууллагаар зэрэг олон санаа санаачлага гарч байлаа.

 

 

 

 

 

        Үргэлжлэл бий...