Эрдэнэтийн уулын баяжуулах үйлдвэрийн баяжуулалтын хаягдал цагаан тоос
Эрдэнэтийн Уулын баяжуулах үйлдвэрийн баяжуулалтын хаягдал ашиглан автоклавын бус хийт бетоныг технологийн олон дамжлагагүйгээр үйлдвэрлэх боломж байна.
Автоклавын бус хийт бетон үйлдвэрлэх цехийн технологийн бүдүүвч
Тайлбар:
1. Цементийн бункер
2. 7. Элеватор
3. 6. Шурган зөөгүүр
4. Цементийн силос
5. Цагаан тоосны силос
8. Цагаан тоосны бункер
9. 10. Жингийн тугнуур, 11. Бетон зууруул, 12. Хийт бетоны хэв, 13. Грейферний кран, 14. Бэхжүүлэх камер, 15. Бэлэн бүтээгдэхүүн
Энэхүү технологиор жилд 40,000 м3 автоклавын бус хийт бетон үйлдвэрлэхэд нэгж бүтээгдэхүүний 1м3 –ийн өөрийн өртөг нь 72,612 төгрөг байна гэсэн судалгааг гаргаад байгаа юм байна. Хэрвээ нэгж бүтээгдэхүүнийг 100,000 төгрөгөөр борлуулахад хөрөнгө оруулалтаа 2 жилд багтаан нөхөхөөр тооцоо гарчээ.
Эрдэнэтийн уулын баяжуулах үйлдвэр нь зэсийн үндсэн эрдэс агуулсан хүдэрт флотацын баяжуулалт хийхэд гарсан хаягдал усаар зөөвөрлөгдөн хаягдлын санд хураагддаг.
Энэхүү баяжуулалтын хаягдлын химийн найрлагаас харахад шаварлаг болон бусад силикатан чулуулаг, эрдсийн найрлагатай ойролцоо байгаа нь түүнийг үйлдвэрлэлийн олон салбарт түүний дотроос олон төрлийн барилгын материалын түүхий эдээр ашиглах боломж байгаа юм.
Баяжуулалтын хаягдлын химийн найрлага
Баяжуулалтын хаягдал нь химийн найрлагаараа нэг их хэлбэлзэлгүй байгаа нь ашиглах боломжийг өндөрсгөж байна.
Эрдэс зүйн найрлаганд кварц (52-56 %) зонхилон, багагүй хүдрийн жонш (35-45 %), бага зэрэг шаварлаг мөн төмрийн сульфид агууллагдаж байна.
Үйлдвэрээс гарч байгаа баяжуулалтын хаягдал тоосыг барилгын материалын үйлдвэрлэлийн салбарт ашиглах нь:
Хөөсөн бетоны үйлдвэрт дүүргэгч - Цементийн үйлдвэрт шаварлаг түүхий эдийг орлуулагч – Автоклавын бус газобетонд дүүргэгч – Тоосгоны үйлдвэрт аргуунжуулагч – Автоклавын хийт бетоны үйлдвэрт элс орлуулагч – Бетон зуурмаг нарийн ширхэгтэй дүүргэгч элс орлуулагчаар ашиглах боломжтой.
Барилга угсралтын үйлдвэрлэлийн салбарт хуурай холимог бэлтгэхэд нарийн ширхэгтэй дүүргэгч элсний үүргийг шууд боловсруултанд оруулахгүй ашиглах боломжтой.
Энэ нь баяжуулах үйлдвэртээ хаягдал боловч барилгын материалын үйлдвэрлэлийн салбарт анхан шатны боловсруулалт хийгдсэн түүхий эдэд зүй ёсоор тооцогдох юм.
Энэ чиглэлийн судалгааны ажилтай холбоотой дэлгэрэнгүй мэдээллийг ШУТИС-ын “Шинэ материал судалгааны төв”-өөс авах боломжтой юм.