Клиникийн нэгдүгээр амаржих газрын өргөтгөлийг барих захирамж 2011 оны наймдугаар сард гарч, тэр даруй ажил нь эхэлж одоогийн байдлаар барилгын ажил 70 хувьтай явж байгаа талаар нийслэлийн Хөрөнгө оруулалтын газраас мэдээллээ. Уг нь төлөвлөгөөний дагуу барилгын ажил өнгөрсөн зургадугаар сарын 5-нд дуусах байсан ч амжаагүй байна. Учир нь уг барилгын гүйцэтгэгчээр “Цаст импекс” компани ажиллаж байгаа бөгөөд зургаан тэрбум 283 сая төгрөг улсын төсвөөс төсөвлөсний дөрвөн тэрбумынх нь санхүүжилт хийгдсэнээр удаашралтай болжээ. Энэхүү өргөтгөл баригдсанаар эмэгтэйчүүдийн 100, эмгэг нярайн 50 ортой орчин үеийн техник тоног төхөөрөмж бүхий эмнэлэг ашиглалтад орох юм байна. Гүйцэтгэгч компаний мэдэгдэж буйгаар ирэх есдүгээр сарын 15-нд ашиглалтад өгөхөөр болжээ.

/top.mn/