Монгол Улсын иргэдийн нийт хадгаламж нь энэ оны хоёрдугаар улирлын байдлаар 3.4 их наяд төгрөгт хүрчээ. Түүнээс 715 мянган өрхийн дундаж хадгаламж нь 2.5 сая төгрөг бол 27 мянган өрхийн дундаж хадгаламж 54 сая төгрөг гэсэн статистик судалгааг Монголбанкныхан хийжээ. Тэгвэл 37 өрх тутамд нэг ипотекийн зээлдэгч ногдож байна. Харин таван өрх тутамд нэг орон сууц ногдож байгаа аж. Энэхүү судалгаан дээр үндэслэн дундаж давхаргын моргэйжийн зээлийг дэмжих шаардлага байгааг Төвбанкныхан тэмдэглэжээ. Өнгөрсөн хугацаанд ипотекийн зээлийн өрийн үлдэгдэл 696 тэрбум төгрөгт хүрч 39 тэрбумаар өссөн бол ипотекийн зээлдэгчдийн тоо 1302- оор өссөн үзүүлэлт гарчээ. Орон сууцны үнийн өндөр өсөлттэй үед дундаж давхаргын бодит худалдан авах чадвар буурч, ипотекийн зээл авах боломжгүйд хүрдэг гэсэн дүгнэлтийг ч хийжээ. Харин энэ үед өндөр орлоготой, чинээлэг хэсгийн орон сууц худалдан авах хандлага нэмэгддэг байна. /news.mn/