Хичээлийн шинэ жил эхэлхэд сар хүрэхгүй хугацаа үлдээд байхад сургууль цэцэрлэгүүдийн засварын ажил 50 хуьдаа ч хүрээгүй дөнгөж 35 хувьтай явагдаж байна. Харин албаныханы наймдугаар сарын 25 гэхэд бүх сургууль, цэцэрлэгийн засварыг дуусгаж, улсын комисс шалган хүлээж авч, сургууль цэцэрлэгүүд хүүхэд багачуудаа хүлээж авахад бэлэн болно гэж мэдэгдэжээ.
2012 онд сургууль цэцэрлэгийн засварт улсын төсвөөс 16 тэрбум төгрөгийн хөрөнгийг 88 нь сургууль, 80 нь цэцэрлэг, 26 нь спорт заал, 28 нь дотуур байрнд хувааж гаргажээ. Үүнээс гадна “Дэлхийн банк”-ны 10 сая ам.долларын хөрөнгөөр Орхон, Төв, Өвөрхангай аймагт Канад технологийн 40 цэцэрлэгийн барилга угсралтын ажлыг эхлүүлсэн. “Жайка олон улсын байгууллага”-ын хөрөнгөөр Улаанбаатар хотод зургаан сургуулийн барилга барьж байгаагаас 52 дугаар сургуулийн өргөтгөлийг ашиглалтад оруулж, Хужирбулангийн 640 суудалтай сургууль, Амгалан цогцолбор сургуулийн өргөтгөлийн барилгыг ирэх есдүгээр сард, бусад барилгуудыг ирэх 2013 онд ашиглалтад оруулахаар төлөвлөсөн байна./top.mn/