Баянзүрх дүүргийн нэгдүгээр хорооны ну­таг дэвсгэрт"Эс Си Эм" ком­пани дөр­вөн орц­той, арван зур­гаан давхар орон сууцны ба­рилга бари­хаар болсон аж. Орон сууцны барил­га барихын тулд хүүх­дийн цэцэрлэг,ногоон байгууламжийг уст­га­хаар болсон гэнэ. Үүнийг ойролцоох орон сууцны иргэд эсэргүү­цэж  байгаа аж. "Эс Си Эм" компани улсын на­чин Б.Цогтжаргал тэр­гүүтэй хамгаалалтын алба ав­чирсан нь  байд­лыг улам хурцатгасан байна. Уржигдар орой ба­рил­гын хашаа хатгуу­лах­гүй гэсэн эмэгтэйг хамгаа­лагч нар зодсон, зургийн аппараmыг нь эвдсэн гэх яриа сон­согдож байлаа. Ингээд "Нарлаг-78" сууц өмч­лөгч­дийн холбооны тэр­гүүн Б.Мөнх­бая­раас тодруулга авлаа.

 

Энэ газар хэний эзэмшил юм бэ? 

 

2010 онд энэ газар  хувь хүний нэр дээр бай­сан юм. Тэгээд энэ оны дөрөвдүгээр сараас газ­рын зөв­шөө­рөл "Эс Си Эм" гэсэн хувийн ком­пани руу шилж­чихээд бай­­гаа юм. Иргэдийн ярьж байгаа­гаар Засгийн газрын Хэ­рэг эрхлэх газ­рын дарга Ч.Хүрэлбаа­тарыг энэ га­зартай  холбоотой гэдэг.

 

Хувь иргэнээс компани руу ямар замаар шилжсэн юм бол?

Дуудлага худалдаагаар шил­жээгүй болов уу. Бид шалгуу­лахаар АТГ-т өгөөд байна. Нийслэ­лийн газрын албаныхан "Та нар юу яриад байгаа юм бэ. СӨХ-ны газар гэж байхгүй" гэдэг юм. Баянзүрх дүүргийн Засаг даргад хэлсэн. Ямар ч арга хэмжээ аваагүй. Нийс­лэлийн мэргэжлийн хяналтын газар "Хүүхдийн талбай, ногоон байгууламжийн дэргэд орон сууц­ны барилга бариулахгүй" гэдэг. Манай СӨХ гомдол гаргасан. Гэтэл  "Эм Си Эм" компани ямар ч  яриа хөөрөөгүй дайраад ирсэн. Ингээд хүүхдийн талбай, ногоон байгуу­ламжийн хамт хашаалж аваад трактороор тэгшлүүлж  эхэлсэн. Манай оршин суугчид зуу зуун мянган төгрөг цуглуулж хүүхдийн тоглоомын талбай барьсан" гэлээ.

Харин "Эм Си Эм" компанийн өмгөөлөгч Цэрэнбадам энэ үед иргэдтэй тачигнатал хэрэлдэж байлаа. Тэрээр "Манай компани иргэдийн эрх ашгийг нэгээхэн ч зөрчөөгүй. Бүх бичиг баримт хууль номын дагуу байгаа. Иргэдийн газрыг булааж байгаа юм байхгүй. Манай компани орон сууцны ба­рил­гаа барих л болно" гэж байв. Тэгээд Нийслэлийн газрын албаны дарга Ц.Сандуйн гарын үсэг бүхий газар эзэмших эрхийн бичгийн хуулбар үзүүлж байв.

"Эм Си Эм" компанийн орон сууц барих хашаанд мод унагаж байгаа харагдсан. Мөн хятад ажил­чид хашаан дотор ажил хийж байгаа харагдсан юм. Сүүлийн арав гаруй жил ийм нэг дүр зураг харагдах болов. Энэ компани хол­бог­дох байгууллагуудаас бүхий л бичиг баримтаа авсан байж таар­на. Зарим нэг зөвшөөрөл дутуу байлаа гэхэд удахгүй нөхөөд авчих биз. 

Энэ барилга баригдсанаар оршин суугчид ногоон байгуу­ламжгүй, хүүхдүүд тоглоомын тал­бай­гүй, хөгшид нар үзэхгүй бол­но. Мөн орон сууцны барилга зам руу шахсан учраас машин явахад ч хүндрэлтэй болно.   Оройхон хэрд оршин суугчид барилгын компани руу дайрч хашааг нь нураана гэдгээ ярьж байна лээ. Барилгын компани иргэдийн ийм эсэргүүцэл гарна  гэдгийг тооцоолсон байж таарна.

Оршин суугчид барилгын ком­пани хоёрын хооронд хэрүүл тэм­цэл өрнөх нь тодорхой. Ийм хэрүүл тэмцлийн үрийг тарьж, иргэд аж ахуйн нэгжийг хооронд нь алал­цуулах зөвшөөрөл өгсөн эрх мэдэл бүхий байгууллагууд юу харж суу­даг бол. Иргэд өөрсдийнхөө эрх ашгийн төлөө тэмцэх нь ойлгомж­той. Ба­рил­гын компани өндөр үнээр авсан газрын зөвшөөрлөө бариад орон сууцаа босгох гэж үзэх нь ойл­гомжтой.  
  Эх сурвалж /www.top.mn/