Төр засаг солигдох гээд төрийн албаныхан бужигналдаад бөөн юм болж байна. "За  би мар­гааш ажлаа өглөө гэхэд яах билээ. Амжуулаагүй үлдсэн ажил бий бил үү. Ажилтай, албан тушаал­тай байгаа дээрээ дутуу зүйлүүдээ гүйцээгээд ав­даг  юм шүү" хэмээн бо­дож, нойргүй хонохоо шахаж байгаа нь ойл­гомжтой. 

Сүүлийн үед Улаан­баатар хотод иргэдэд ол­гох газар дууссан  гэх үг сонсогдох болсон. Лав өнгөрсөн хоёр, гурван жил энэ яриа үргэлжилж бай­на. Ноднин гэхэд Яар­­ма­гийн дэнжид нийс­лэ­лийн тоотой хэдэн хүнд газар олгоно гэдэг зар түгсэн. Энэ нь  иргэдэд олгохоор Улаанбаатарт үлдээсэн бараг сүүлчийн газар  юм шиг ойлгогдож байлаа. Тиймээс нийс­лэ­лийнхэн хоёр өдөр урт да­раа­лал үүсгэн, халуун наранд шатаж зогссон санаг­дана. Гэтэл сая сон­гуу­лийн дараа нийслэл хотод олдохгүй байсан газрууд "хогоороо" олдох болсон гэнэ.  Хотын захад аятай­хан газар хямдхан аваач гэдэг наймааны са­нал хүмүүст ирэх болжээ. "Учир нь засаг солигдох дуу­лианаар төрийн ал­ба­ныхан хувьдаа "нөөцөл­сөн" газраа  арилжаалж байгаа нь тэр. Ер нь энэ төрийн албаныхан төрд ажиллахдаа  ямар ч то­хиол­­долд "Юмыг яаж мэ­дэ­хэв" гэсэн ханд­ла­гаар яв­даг сүрхий  хүмүүс юм. Бүр эртнээс "Төр засаг солигдож магадгүй. Тэр үед ажлаасаа гарах ч юм бил үү. Тэгвэл үүнийг үнэд хүргэж ашиг олно" гэж тооцоолоод нийс­лэлд ховордсон газ­рыг хав дарж, хад­гал­чи­хаад харж суудаг байх нь. Улаанбаатар хотод га­зар олддоггүйн учир ийм байжээ.

Я.МӨНГӨНЦЭЦЭГ /www.medee.mn/