Нийслэлийн засаг дарга бөгөөд Улаанбаатар хотын захирагч Э.Бат-Үүл ард түмний итгэлээр цойлон гарч ирж сонгогдсон. Ажилтай орлоготой UB, амины орон сууцтай UB, аюулгүй UB, авилгагүй UB гэж Улаанбаатар  хотыг хот шиг хот болгохын тулд боловсруулсан “5А”хө төлбөр ингэж л нэг хэрэгжихээр болсон юм.

     Тамаг тэмдэгээ гардаж аваад удаагүй байгаа ч  Э. Бат-Үүл дарга аргагүй л улсын баатар шиг  улс орныхоо хөгжил дэвшил, сайн сайхны төлөө биеэ ч хайрлалгүй амралтын өдрөөр хүртэл ажиллаж байгаа сурагтай.  Ийн ажиллаж байгаа нь иргэдэд хот шиг хот болох нуу гэсэн итгэл найдварыг төрүүлж  байна. Тэрбээр  жилд хоёр хуралддаг хурлыг сар бүр хийхээр төлөвлөөд,  төрийн үйлчилгээ иргэдэд нээлттэй байж, ямар ч  чирэгдэлгүй хурдан шуурхай байх ёстойг албаны хүмүүст үүрэгдээд нийсэлэл хотод  тулгамдаад байгаа олон  асуудлуудыг ар араас нь яаравчилан шийдвэрлэхээ  хэлсэн.

        Э.Бат-Үүл дарга анхны хэлэлцүүлгээрээ замын  түгжрэлийн асуудлаар ярьж байсан  бол дараагийн хэлэлцүүлэгээрээ хот байгуулалт, газар олгот гэсэн сэдвээр иргэдийнхээ дуу хоолойг сонсож гарах гарцыг нь хамтдаа хайлаа. Мөн тэрээр “5А” хөтөлбөрийнхөө нэг болох амины орон сууцтай Улаанбаатар хөтөлбөрийнхөө хүрээнд амралтын өдрүүдээр  гэр хорооллын иргэдтэй уулзаж, ирэх жилд 40 мянган өрхийг инженерийн шугам сүлжээнд холбоно гэж мэдэгдээд, өндөр хөгжилтэй орнуудын хүн амын  90 гаруй хувь нь  хаусанд амьдардаг. Гэтэл манайхан  орон сууцруу хошуураад байна. Гэвч энэ тийм ч сайн шийдэл  биш. Бид амины орон сууцандаа ажилтай орлоготой, аюулгүй амьдрах цаг  ирснийг санах хэрэгтэйг дурьдсан байна.  Э.Бат-Үүл даргын ажлын хэрэгжилт нь замын хөдөлгөөний хэт ачааллыг хэрхэн бууруулах талаар зарим нэг төслийг дэмжсэн явдал байлаа.

       Нийслэлд нийтдээ 210 гаруй мянган автомашин байдаг гэсэн тоо бий.  Тэдгээрийн 15 мянга орчим нь төрийн албан хаагчдын машин гэж үзэхэд энэ хэрээр замын түгжрээ багасана гэж үзжээ. Мөн нийслэлийн 24 байршилд төлбөртэй зогсоол барих, автомашиныг улсын дугаараар нь ангилж явуулах гээд олон арга хэмжээг авахаар боллоо.  Монголын хууль гурав хоногт гэдэг  л болчихгүй бол  боломжгүй биш боломжтой л санаа.
                                                                                                                                                                                                                                        Л.Мөнхчимэг