Төр түмнийхээ  төлөө хоёргүй сэтгэлээр зүтгэж, мэдлэг чадвар байгаа бүхнээ эх орондоо зориулна гэж амлаж гарчихаад эрх нь ирээд, үүрэг нь оногдоод ирэхээр  нөгөө амлалтаа  мартаж орхидог эрхэмүүд цөөнгүй бий. Харин ч бүр татварын мөнгөөр амиа борлуулж, авилга, хээл хахуульд холбогдож, ажлаа биш амралт зугаалгат цаг заваа зарцуулах эрхэмүүд ч бий гэдгийг би биш ард түмэн нотолдог.

Эрхээ өмнөө бариад үүргээ мартчихдаг тогтолцоог ардчилсан гэж хэлэхгүй нь лавтай.  Шинэчлэлт, өөрчлөлтийг авчирсан эх орон ч баатрууд маань цаг заваа байтугай  биеэ хайрлалгүй төр түмнийхээ төлөө зүтгэж явсан. Харин Монгол Улсын 27 дахь ерөнхий сайд  Н.Алтанхуяг засгийн газрын гишүүддээ “Та нарт ажил тарах цаг, амралтын өдөр хоёр хамаагүй, ингэж л байж л улс шиг улс болгоно гэж хатуухан сануулсан. 

Ерөнхий сайдын үг “үг” байж чадсан бололтой. Харанхуй байдаг ордны цонхууд хаяа хаяахан гэрэлтэй байдаг болсон гэнэ Тэрээр хэлсэн үгээ өөрөөсөө эхэлж хэрэгжүүлэн амралтын өдрүүдээр ч ажилласаар байна. Өнгөрсөн амралтын өдрөөр Ерөнхий сайд Н.Алтанхуяг  Сонгинохайрхан дүүргинй  гэр хороололын иргэдтэй уулзаж, өвлийн бэлтгэл хэр хангагдаж байгаа, мөн ардчилсан намаас санаачилан хэрэгжүүлж байгаа дэд бүтэц шийдсэн амины орон сууцтай болоход иргэдийн зүгээс санаа оноо юу байгааг сонссон юм. 

Тэрээр хэлэхдээ ирэх дөрвөн жил амласан ажлаа хэрэгжүүлж ард түмнийхээ төлөө хичээж ажиллахаа хэлж явлаа.