Дөчин мянгатын гэгдэх нурж унах дөхсөн байшингууд хотын төвд оршсоор буй. Төв замын дагуу оршиж гаднаас нь харахад сайхан өнгөлөг байшингууд. Энэ хэдэн байшингуудаа жил болгон нүүрэн талыг нь засаж янзална.   Яг үнэндээ нүдэнд харагдаж байгаа шигээ биш. Нүд хуурсан өнгөлөн далдлалт. Энэ хуучны хороолол дундуур явахад үнэхээр гутармаар. Цул шавар шалбааг хүүхдийн тоглоомын талбай гэх атгахан газар нь усаар дүүрч, хүүхдүүд тоглох ч газар олдохгүй. Орц руу нь орвол өмхий үнэртэж шатаар дээш гарвал давхар болгонд нь бие зассан байх жишээний. Энэ хавиар амьдардаг хүмүүсээс сонсоход “олон жил болсон бохирын хоолой байн байн задарч 7 хоног шахуу л ирж засаж янзална, олон жил ийм байна. Орцонд эр эмгүй л орж шээх юм удахгүй бие засах цэг болох байх даа. Энэ хавиар бас согтуу хөлчүү хүмүүс их явна, шөнөжин орилолдож, зодолдож, уйлаан майлаан болно. Амар амгалан байдал гэж байхгүй ээ” гэх юм. Нийслэлийн зүрхэнд орших энэ газрыг хотын шинэхэн дээдсүүд анхааралдаа аваасай.

Б.Мөнх-Эрдэнэ /shuud.mn/