Интерьер гэдэг бол цэвэр мэдрэмж юм
Архитекторч: Л.Давхарбаяр.
“Интерьер каталоги”-ийн нээлт ямархуу байна вэ? Сэтгэгдэлээ хуваалцана уу?
Анх удаагаа номын нээлтэнд оролцож байна. Монголын анхны “Интерьер каталоги”-д өөрийн гар бие оролцсон гэхээр сайхан санагдаж байна.
Интерьер гэдэг ойлголтыг өөрийн бодлоороо дүгнэн хэлнэ үү?
Цэвэр мэдрэмж л гэж хэлнэ дээ. Нарийн мэдрэмжтэй хүний хийдэг ажил. Тэрнээс мэргэжил онолыг нь сурчихаад, сонирхолгүй, мэдрэмжгүй хүмүүс бол хийдэггүй л дээ. Би бол архитекторч мэргэжилтэй хүн интерьер гэдэг бол миний сонирхолоороо хийдэг ажил нэг ёсондоо миний хобби гэж болно.
Монголд интерьер дизайны хөгжил ямар шатанд явагдаж байна вэ?
Барилгын салбар хурдацтай хөгжиж байгаатай уялдан нэг үеээ бодвол энэ талын урлаг Монголд хөгжиж байна. Интерьер дизайны зураг төслийн хөгжлийн хувьд манай залуу дизайнерууд дэлхийн жишигт хүрэхүйц чадвар өндөртэй байгаа. Гол нь зураг төслөөрөө захиалгаа өгөөд хийлгэх гэхээр тийм чадвартай захиалагч компани гэж байхгүй, тийм чанартай материал гэж Монголд байдаггүй Хятадаас хямдхан материал оруулж ирдэг нь гол саад бэрхшээл болдог.
“Интерьер каталоги”-ийн хувьд?
Энэ каталоги цуврал маягаар ар араасаа хэвлэгдэн гараасай. Мөн энэ каталогийн талаар мэдээгүй байгаа, гар бие оролцохыг хүсэж байгаа олон олон дизайнер болон интерьер сонирхогч залуус байгаа тэднийг бас уриалан дуудаж оролцуулвал улам баялаг мэдээлэлтэй болох болно. Ийм сайхан каталоги гаргаж байгаа та бүхэндээ ажлын амжилт хүсье.
Интерьер гэдэг бол цэвэр мэдрэмж юм