Шөрмөсөн чулуу хорт хавдар үүсгэдэг
20-р зууны 1970-аад он хүртэл шөрмөсөн чулуу нь барилгын материалд өргөнөөр ашиглагддаг байсан. Учир нь уг материал нь бусад материалтай харьцуулахад үнийн хувьд хямд, халуунд тэсвэртэй, удаан эдэлгээтэй. Харин энэхүү материал нь эрүүл мэндэд асар их хөнөөлтэй улаан хоолойн холбогч эдийн хавдар болон уушигны хорт хавдар үүсгэдэг болох нь нэгэнт тогтоогдсон. Гэсэн хэдий ч АНУ-ын Засгийн газар 1970-аад оныг хүртэл шөрмөсөн чулуу агуулагдсан бүтээгдэхүүнийг хэрэглэхийг хориглоогүй байсан юм.
Шөрмөсөн чулуу нь барилгын салбарт маш өргөн хэрэглэгддэг. Хуучны байшин худалдааны төв болон сургуулиуд, зарим үйлдвэрийн газрууд тусгаарлах зориулалттай шөрмөсөн чулуу агуулсан бүтээгдэхүүнийг өнөөг хүртэл хэрэглэсээр байна. Шөрмөсөн чулуун бүтээгдэхүүн нь бутарч эмтэрээгүй үедээ ерөнхийдөө аюулгүй байдаг. АНУ-ын Хүрээлэн буй орчныг хамгаалах агентлагын зүгээс хэрэв шөрмөсөн чулуу нь зохих ёсны зөв нөхцөлд байвал уг материалыг тухайн газар нь үлдээхийг зөвшөөрсөн.
Хэрэв шөрмөсөн чулуу нь аюултай нөхцөл байдалд байгаа нь илэрвэл хэрхэх вэ гэдэг талаар илүү судлах хэрэгтэй. Шөрмөсөн чулуунаас үүдсэн хорт хавдарын төв нь дэлгэрэнгүй мэдээллийг үнэгүй өгч байна. Дараах хуудсыг бөглөөд өөрийн хүсэлтээ явуулна уу.
Шөрмөсөн чулуу агуулсан бүтээгдэхүүн нь гэмтсэн тохиолдолд үртэс үүрмэг болон хувирдаг. Энэхүү шөрмөсөн чулуу агуулсан бутарсан бүтээгдэхүүн эрүүл мэндэд хор хөнөөлтэй байдаг. Хэрэв тухайн барилга ямар нэгэн шөрмөсөн чулуу агуулсан материалаар баригдсан бол мэргэжилтнүүдэд хандах хэрэгтэй. Тухайн мэргэжилтэн барилгын материалаас дээж авч лабаротори руу илгээн шөрмөсөн чулуу агуулагдсан эсэхийг тодорхойлдог. Мэргэжилтнүүд харагдах байдлаас нь шөрмөсөн чулуу агуулагдсан эсэхийг тодорхойлох боломжгүй учир зөвхөн лабораторит шалгуулж илрүүлдэг. Хэрэв шөрмөссөн чулуу агуулагдсан нь илэрвэл тухайн материалыг хориглох эсвэл амьдрах болон ажиллах нөхцөлд аюулгүй гэсэн баталгаа гаргаж өгдөг.