Амины орон сууцанд агаар сэлгэлтийн системийг угсрах
Амины орон сууцанд агаар сэлгэлтийг гал тогооны өрөө, ариун цэврийн өрөөнүүдэд агаар гаргах системийг тавих бол унтлагын өрөө, зочны өрөөнд агаар оруулах системийг тавина.
Ариун цэврийн өрөөний бохир усны хоолойн төгсгөл болон шугамын өндөр цэгүүд дээрх босоо шугам дээвэр руу нэвт гарч эвгүй үнэрийг гадагшлуулах сорох хоолойтой байна.
Ногоон өнгөөр тэмдэглэсэн шугам нь агаар сорох шугам.
Агаар сорох шугам босоо шугам руу холбогдох тал өөд налуутай байна. Бохир усны шугамын хоолойн диаметрийг сонгохдоо шугамын дүүргэлтийг 60% байхаар тооцож авдаг учир шугамын 40% -д агаар чөлөөтэй сэлгэхээр байдаг.
Ариун цэврийн өрөөн доторх агаарыг зайлуулахдаа тэнхлэгийн сэнсийг ашиглан тавьж болно.
Тэнхлэгийн сэнсийг ариун цэврийн өрөөнд гаргах агаарын тоо хэмжээнээс хамааруулан сонгож тавина. Тэнлэгийн сэнс агаар сорох хоолойд холбогдох өөрийн гэртэй байх ба таазны доод түвшинтэй ижил түвшинд байхаар угсралтыг хийнэ.
Сэнсний ажиллагааг цагийн механизмтай ба гар аргаар ажилладагаар холболтыг хийж болно.
Агаар дамжуулах хоолойг хучилтын дулаалга дундуур болон өөрөө 50-100 мм дулаалгатай байхаар угсарна. Дээвэр дээр гаргасан шугамын төгсгөлд малгайтай байна.
Ажлын дараалал
- Угсралтын ажлыг хийхдээ тэнхлэгийн сэнсийг хучилтанд бэхлэнэ.
- Шугмыг сэнстэй холбон дулаалгыг хийнэ.
- Дээврийн хучилтыг хэмжээний дагуу нүхлэнэ.
- Дээвэрт агаар гаргах хоолойн малгайг дээвэрт ус оруулахгүй байхаар бэхлэж силконоор наана.
Барилгын хийц өрөөний зохион байгуулалтаас шалтгаалан хучилтанд болон хана нүхлэн агаар гаргах хоолойг гаргаж болно.