Дөрвөн уулын дунд чихцэлдэн амьдардаг Улаанбаатар хотын сая гаруй иргэний нэн тулгамдсан асуудал орон сууц, дэд бүтэцтэй холбогддог. Энэ бэрхшээлийг арил гахаар "100 мянган айлын орон сууц" хөтөлбөр хэрэгжүүлж байгаа. Энэ хөтөлбөрт хамрагдсан иргэд жилийн зургаан хувийн хүүтэй орон сууцны зээл авах боломжтой. Одоогоор 1000 гаруй хүн зээлийн болзлоо хангаснаас 100 гаруй нь зээлээ авчээ. Мөн 50 тэрбум төгрөгийн санхүүжилтийн эх үүсвэр шийдэгдэж, Тө- рийн банкинд шилжсэн тул иргэд ирэх долоо хоногоос зээлээ авах боломжтой болжээ. ЗТБХБЯ-ныхан өчигд өр Сүхбаатарын талбайд Нээлттэй өдөрлөг зохион байгуулах үеэрээ энэ тухай мэдээллээ. Өнгөрсөн дөрвөн жилийн ажлаа тайлагнасан уг өдөрлөгт тус яамны харьяа байгууллагууд болон энэ чиглэлээр үйл ажиллагаа явуулдаг хувийн хэвшлийнхэн оролцлоо.

Засгийн газрын хэрэгжүүлэгч агентлаг Авто тээврийн газрынхан тээврийн хэрэгслийн шилжилт хөдөлгөөн хийх, орон нутагт зорчих тасалбар бичих, жолоочийн мэргэшлийн зэрэг ахиулах шалгалт авах зэрэг үйлчилгээг иргэдэд үзүүлсэн бол, Орон сууцны санх үүжилтийн корпорац, Төрийн банкны мэргэжилтнүүд “100 мянган айлын орон сууц” хөтөлбөрийн талаар мэдээлэл өглөө. Иргэд энэ үеэр “Ажлын цагаа уртасгаач ээ” гэсэн санал Төрийн банкныханд тавьж байв. Түүнчлэн зам, барилга, уул уурхайн чиглэлээр үйл ажиллагаа явуулдаг байгууллагууд хийсэн ажлаа танилцуулахын зэрэгцээ иргэдэд ажлын байр санал болгосон. Өдөрлөгийн үйл ажиллагаатай танилцах үеэрээ ЗТБХБ-ын сайд Ц.Дашдорж “Замын ажил жил бүр хэл ам дагуулдаг. Энэ онд замын засвар, шинэчлэлийг маш чанартай хийнэ. Замын бүтээн байгуулалтын ажил олон газар хийж байгаа. 2014 он гэхэд бүх аймаг Улаанбаатар хоттой авто замаар холбогдсон байна“ гэв.

www.mongolnews.mn