2012 оны орон сууцны үнийг тодорхойлох “Барилга Орон Сууц 2012” үзэсгэлэн яармаг нээлтээ хийлээ.
Уламжлал болгон зохион байгууллагддаг “Барилга Орон Сууц 2012” үзэсгэлэн яармаг албан ёсоор өнөөдөр 14 цагт Мишээл экспод нээлтээ хийлээ.
Энэхүү үзэсгэлэн “Ногоон барилга - Хөгжлийн гарц” уриан дор барилгын компаниудыг эрчим хүчний хэмнэлттэй, байгаль орчинд хөнөөлгүй, хүний эрүүл мэндэд сөрөг нөлөөгүй, сэргээгдэх эрчим хүчийг ашиглах, усыг хэмнэх, хаягдалгүй технологи зэргийг үйл ажиллагаандаа нэвтрүүлж байгаа аж ахуйн нэгж, компаниуд оролцож байгаа юм.
Үзэгч та бүхэн үзэсгэлэн яармагийг зорин ирснээр Улаанбаатар хотод ашиглалтанд орох гэж байгаа болон орсон 50 гаруй орон сууцнаас сонголтоо хийх боломжтой. Мөн барилгын материал бүтээгдэхүүн, ногоон байгууламж, ландшафтын компаниуд олон нийтэд өөрсдийн үйл ажиллагаа болон материал бүтээгдэхүүнээ танилцуулах юм.
Энэхүү үзэсгэлэн яармаг нь 2012.05.25-28-ны өдрүүдэд Мишээл Экспо төвд болно.