Та солонгын долоон өнгийг санагдуулам гайхалтай бөмбөлөгөн гэрэлтэй болмоор байна уу? Гэхдээ яаж хийхээ мэдэхгүй байгаа бол бидний зөвлөгөөнд анхаарлаа хандуулаарай. Гараар урласан гэрэл цацран, өчүүхэн үл мэдэгдэх биет мэт санагдана. Одоо үүнийг хэрхэн хийх зааварчилгааг хүргэе. Хамгийн түрүүнд танд 250 мл хэмжээтэй шингэн орох 50 ширхэг пластик аяга хэрэг болно. Мөн 150 жижиг гэрэлтэй /түүнээс олон, бас цөөн ч байж болно/ зул сарын урт холбоостой гэрэл бэлтгээрэй.  Тэгээд хооронд нь гагнаж бэхлэхэд хэрэг болох үдээсний машин  болоод савыг цоолох эргэдэг хошуутай халив ч юм уу, дэрриль хэрэг болно. Энэхүү зүйлүүлд гар урлалын хэрэглэлийн юм уу, гэр ахуйн барааны дэлгүүрт ч байгаа. Эргэдэг хошуутай төхөөрөмжөөрөө 50 аяганыхаа ёроол бүрт 1-2 нүх гаргана. Тэгээд аягануудаа 25, 25-аар нь хоёр хуваана. Хоёр хуваасан хэсгээр солонгорох бөмбөлгийнхөө хоёр талын хэсгийг хийх учиртай юм. 12 аягыг хэвтээгээр нь, бөөр бөөрөөр нь нийлүүлэн тойрог хэлбэрт оруулан тавь.  Тэгээд үдээсний машинаараа аягаа бөөрөн хэсгээр нь нийлүүлэн үдэх хэрэгтэй. Ингээд 12 хоёр аягыг гагнасан нэг том тойрог бий болох юм. Дараагийн тойргийг 9 аягаар хийнэ. Мөн л бөөр бөөрөөр нь нийлүүлэн үдсэн түзрүүчийнхээс арай бага тойргоо өмнөх том тойрог дээрээ давхарлан тавиад жижиг, том хоёр тойргооо хооронд нь “гагнана”. Ингээд үлдсэн дөрвөн аягыг жижиг, том хоёр тойргийн оройд үлдсэн зайд аяганы амыг мөн гадагш нь харуулан шургуулаад үдээсний машинаар үдэж тогтооно. Ингээд гэрлээ сүвлэхэд бэлэн боллоо. Эхлээд чийдэн чинь ажиллаж байгаа эсэхийг шалгаарай. Энэ бол зайлшгүй хийх зүйл. Дараа нь жижиг гэрлүүд нь хэд байгааг тоолоорой. Аяганы ёроолыг нэгээс хоёр цоолсон болохоор нэг нүхэнд хэчнээн жижиг гэрлийг шургуулахыг тооцох хэрэгтэй. Дараа нь гэрлээ холбох ажил эхэлнэ. Ингэхдээ гэрэлийн залгуур хэсгээс эхлээрэй. Залгууртай хамгийн ойр байгаа хоёр гэрлийг аяганы хамгийн захын хэсэгт сүвлэх хэрэгтэй. Залгуур тус тусад нь хийсэн хоёр хагас бөмбөлөгийг нийлүүлэх үед завсраар нь гадагш гарч, цахилгаанд залгагдах учиртай. Гэрлийн жижиг шилнүүдийг гадна талаас дотогш нь зиг заг хэлбэртэйгээр сүвлэн явсаар анх эхэлсэн газраа ирэх болно. Удаан, бас анхааралтай ажиллаарай. Цоолсон ёроолыг анзааралгүй үлдээж болохгүй. Мөн гэрлийг ч бас. Хуванцар сав тасняс хийн дуугарч магадгүй. Гэхдээ түүнийг тоох хэрэггүй. Бөмбөлгийн нэг тал ингээд гүйцэд болно. Үүнийг дараа 1-4 дүгээр шатанд заасны дагуу бөмбөлөгийн нөгөө талыг хийгээрэй. Бөмбөлөгийн хоёр дахь хагасын гэрлийг сүвлэх ажил нөгөө бөмбөлөгийг эхэлснээс эсрэг талаас нь хийгээрэй. Аль ч аяганаас эхлэн сүвлэж болно. Гэхдээ төгсгөл нь захын аяганы ирмэг дээр ирсэн байх ёстойг санаарай. Ингээд хоёр хагас бөмбөлөгөө нийлүүлэн холбохдоо галын аюулаас сэрэмжлэхэд гэмгүй. Ажил ч үндсэндээ дууслаа. Гэхдээ хоёр бөмбөлөгийн нийлсэн хэсгийн аягануудыг үлдээгүй холбосон эсэхээ нэг хянаарай. Хоёр аяганы давхарлан үдсэн захын хэсэгт цоолон өлгөх нүх гаргавал зүгээр. Гаргасан нүхэндээ өлгөх дэгээг хийж бэхэлнэ. Энэхүү гэрлийн хувьд гинж ашигласан бөгөөд та загасны уурганд ашигладаг утас, эсвэл зүгээр цахилгааны утас ч ашиглаж болно шүү дээ. Солонгорох бөмбөлөгөө өлгөөд зугаац даа. Зуны саруулхан үдэш солонгорон харагдах гэрэл үнэхээр гайхалтай харагдана гэдэгт итгэлтэй байна.