Бетоны Олон Улсын хурал нээлтээ хийлээ
Өнөөдөр Монгол-Японы төвд Бетоны Олон Улсын сургалт семинар нээлтээ хийлээ. Нээлтэнд ШУТИС-ын Барилга Инженер, Архитектурын сургууль, Монголын барилгын инженердийн холбоо, Монголын бетон судлаачдын холбоо болон Тайвань, Солонгосын төлөөлөгчид ирж оролцлоо.
Хурлын эхэнд олон улсын төлөөлөгчид өөрсдийн орны бетоны цутгалтын туршлагаас монголын барилгын компаниудын төлөөлөлтэй хуваалцлаа.
Олон улсын хурал энэ сарын 15-16 ний хооронд зохион байгууллагдах ба бетоны олон улсын туршлагаас суралцахаас гадна “Барилгын салбарын норм стандартын тогтолцооны шинэчлэлт” сэдэвт дугуй ширээний уулзалтыг 6-р сарын 16-ний өдөр ШУТИС-ын хурлын зааланд зохион байгуулах юм байна.
Энэхүү хурлын гол зорилго нь барилгын компаниудад олон улсын стандартын дагуу чанартай бетоныг хэрхэн үйлдвэрлэх талаар туршлага судлах зорилготой зохион байгууллагдаж байгаа ба 100 гаруй компанийн 200 гаруй төлөөлөгч оролцож байна. Цаашдаа жил болгон зохион байгуулах ба энэ чиглэлээр барилгын компаниуд олон улсын туршлагыг практик дээр нь судлах боломж нээлттэй байгаа юм.
Бетоны Олон Улсын сургалт семинарын үеэр Тайваны Инженерүүдийн холбооны гишүүн /Chinese Taipei EMF Monitoring Committee, Chinese Taipei APEC Engineer Monitoring Committee/ Edward Wang-аас хурлын талаарх сэтгэгдлийг нь сонслоо.
Энэ арга хэмжээнд уригдаж ирсэндээ маш их баяртай байна. Гадны зочдын бетоны талаарх мэдлэг их өндөр, асар их туршлагатай хүмүүс байна. Энд цуглаж өөрсдөдөө тулгараад байгаа бэрхшээлтэй асуудал, гарах арга замыг ярилцаж, санал бодлоо солилцож байгаагаараа ач холбогдолтой. Энэ хурал ашиг хөөсөн бизнесийн ажил биш. Хурлын хамгийн гол үр дүн нь Монголын барилгын салбарт хувь нэмрээ оруулж байвал семинар үр дүнгээ өгч байгаа хэрэг. Цаашид ийм үйл ажиллагааг байнга зохион байгуулах болно.