Барилгын Зураг Төсөл Зохиогчид спортоор өрсөлдлөө
Барилгын Зураг Төсөл Зохиогчдын дунд уламжлал болгон зохион байгуулагддаг “Спорт Наадам-2012” Буянт Ухаа спортын ордонд 2012 оны 6-р сарын 16-17-ны өдрүүдэд амжилттай болж өндөрлөлөө.
Тус наадамд Холбооны нийт 37 гишүүн байгууллага, давхардсан тоогоор 500 гаруй хүмүүс оролцон Сагсан бөмбөг, Гар бөмбөг, Шатар, Ширээний теннис гэсэн спортын төрлүүдээр ур чадвар, авхаалж самбаагаа сорин уралдаж, өөр хоорондоо танилцан чөлөөт цагаа идэвхитэй, үр дүнтэй өнгөрүүллээ.
“Спорт наадам -2012” -т зориулж нээлтийн ажиллагаанд дуучин МУГЖ Бархас, СТА Ч.Баярцэцэг, С.Бичүү, чөлөөт бүжгийн “Стар” хамтлаг, МУ-ын гар бөмбөг болон сагсан бөмбөгийн шигшээ багийн тамирчид, ширээний теннисний мастерууд ирж өөрийн урлагийн тоглолт, үзүүлбэрийг үзүүллээ.
Оюун ухааны спорт болох шатрын тэмцээнд Спортын мастер Д.Гандуулга найман хүнтэй зэрэг тоглолт хийн сонирхолтой үзүүлбэрээр наадамд оролцогчдын мэлмийг баясгалаа.
Нийт тамирчдын дунд гурвын шидэлтийн аварга, хөгжөөн дэмжигчдийн тэмцээн мөн сугаалаагаар азтанг тодруулсан нь энэ жилийн наадам урьд жилүүдийнхээс өвөрмөц онцлог байлаа.
Спорт наадамд оролцогчдын багийн дүнгээр байр эзлүүлэхэд “Монхидроконстракшн” ХХК “Нэгдүгээр байр” эзлэн шилжин явах цом, өргөмжлөлийн эзэн болсон бөгөөд нийт Гишүүдийнхээ өмнөөс баяр хүргэж ажлын өндөр амжилтыг хүсэн ерөөе.
Спортын төрөл бүрээр амжилт гаргасан бусад багуудад дахин баяр хүргэе.
Мөн "Спорт наадам-2012" Ерөнхий ивээн тэтгэгчээр "Бьюлдингс Текноложи" ХХК, Ивээн тэтгэгчээр "Сойл Трейд" ХХК, "ВALDAN'S" ХХК тус тус хамтран ажилласанд талархал илэрхийлэхийн хамт "ВТ", "BALDAN'S" ХХК-уудын 10 жилийн ой, "СОЙЛ ТРЕЙД" ХХК-ийн 15 жилийн ойг тохиолдуулан "БАЯРЫН МЭНДЧИЛГЭЭ" дэвшүүлж ажлын өндөр амжилт хүсье.
Мөн "Спорт наадам-2012" Ерөнхий ивээн тэтгэгчээр "Бьюлдингс Текноложи" ХХК, Ивээн тэтгэгчээр "Сойл Трейд" ХХК, "ВALDAN'S" ХХК тус тус хамтран ажилласанд талархал илэрхийлэхийн хамт "ВТ", "BALDAN'S" ХХК-уудын 10 жилийн ой, "СОЙЛ ТРЕЙД" ХХК-ийн 15 жилийн ойг тохиолдуулан "БАЯРЫН МЭНДЧИЛГЭЭ" дэвшүүлж ажлын өндөр амжилт хүсье.
