Шинэчлэлийн засгийн газар 2012-2016 онд хэрэгжүүлэх үйл ажиллагааны хөтөлбөрөө боловсрууллаа.  Нийгэм, эдийн засаг, боловсрол  гээд бүхий л салбарт хийх шинэчлэлийн хөтөлбөрийг  Ардчилсан нам, иргэний зориг ногоон нам, махн-мүан-ын “шударга ёс” эвсэл хамтран гаргасан юм.  Эдгээрээс барилгатай холбоотой заалтуудыг танилцуулъя. 

 -Зээлийн хүүг бууруулна.
  -Орон сууцны зээлийн тогтолцоог бий болгоно.
-Ажлын байр шинээр бий болгох хөтөлбөр хэрэгжүүлнэ.
-Барилгын материалыг эх орондоо үйлдвэрлэдэг болно.
-Уул уурхайгаас бусад салбарын бараа бүтээгдэхүүнийг экспортын татваргүй болгоно.
-Тендерийн будлиан, авилга,хээл хахуулийг халах зорилгоор төсвийн хөрөнгөөр бараа, үйлчилгээ худалдан авах үйл ажиллагааг 100 хувь онлайн хэлбэрт шилжүүлж, иргэд, олон нийтийн хяналтан дор ил тод явуулна.

-Барилгын материалын үйлдвэрлэлийг хөгжүүлж, цемент, төмөр хийц, шил, дулаалгын материал зэрэг бүтээгдэхүүний хэрэгцээг дотоодын үйлдвэрлэлээр хангах бодлого баримтлана.
-“Шинэ Улаанбаатар” төслийн хүрээнд хот төлөвлөлтийг шинээр хийж, нэгдсэн бодлогоор инженерийн дэд бүтцийг байгуулан, Улаанбаатар хотод 17 иж бүрэн хорооллыг барьж байгуулна.
-Дархан хотыг дэлхийн жишигт нийцсэн Монгол Улсын анхны жишиг хот болгон хөгжүүлнэ.
-Бүх аймгийн төв болон 15000-аас дээш хүн амтай суурин газрыг улсын зэрэглэлтэй хот болгон өөрчилнө.
-Хот, аймгуудыг иргэддээ нээлттэй байх, иргэдийн оролцоотой асуудлаа шийддэг байхад чиглэсэн дүрэмтэй болгоно.
-Ажилтай хүн бүр орон сууцны зээлд хамрагдах бодлогыг бодитоор хэрэгжүүлж, хот төлөвлөлтийн дагуу гэр хорооллыг орон сууцжуулах, дэд бүтцийг хөгжүүлэх хөтөлбөрийг хотууд, аймаг, сумын түвшинд хэрэгжүүлнэ.
-Аймаг бүрт “1000 айлын орон сууц” төсөл хэрэгжүүлнэ.
-Дотоодын барилгын материалын үйлдвэрлэлийг хөгжүүлж, барилгын материалын туршилт, сорилын лабораторийг бүсийн тулгуур төвүүдэд бий болгоно.
-“Амины орон сууц” хөтөлбөрийг хэрэгжүүлнэ.
-Газрын шинэчлэл хийнэ.

-Шинээр барих барилгуудын зураг төсөлд эрчим хүчний хэмнэлттэй, ашиглалтын зардал багатай шийдлүүдийг тусгана.
-Барилгын салбарын стандартыг олон улсын жишигт нийцүүлэн шинэчилж, мөрдүүлэх замаар хүний амьдрах орчны аюулгүй байдлыг дээшлүүлнэ.