"100 мянган айлын орон сууц” хөтөлбөрийг гурван үе шаттайгаар хэрэгжүүлэхээр төлөвлөөд байгаа. 2011-2012 онд хөтөлбөрийн бэлтгэл нь хангагдаж, 2013-2016 онд барилгажилтын оргил үе, 2016-2035 онд иргэд орон сууцны зээлд хамрагдаж төлж дууссан байна гэж үзэн гурван үе шаттайгаар хэрэгжүүлэхээр зорилт тавиад байгаа юм.

    Хөтөлбөрийн хүрээнд улсын хэмжээнд улсын хэмжээнд 47537 орон сууцны барилга баригдаж байгаа ч инфляци өсч, бодлогын хүү нэмэгдсэнээс болоод барилгын компаниуд мөнгөний гачаалд орсон гэх мэдээлэл байна.  Жилийн зургаан хувийн хүүтэй зээлийн сургаар орон сууцныхаа нэг метр квадрат талбайн үнийг 100-200 мянган төгрөгөөр нэмсэн барилгын компаниудын үнэд сүүлийн үед өөрчлөлт ороогүй байна.

     Үүнийг ч мэргэжилтнүүд эрэлт буурснаас болоод орон сууцны худалдан авалт буурсантай холбон тайлбарлаж буй. 2012 оны 02 сарын 20-ны өдөр 100 мянган айл орон сууц хөтөлбөрийг дэмжих зорилгоор баталсан 6%-ийн хүүтэй зээлийн төсөл нь энэ салбар тухайлбал орон сууцны төрөлд 55м2-аас бага талбайтай, 1 болон 2 өрөө байрны эрэлт  нийлүүлэлтийг ихэсгээд байсан бөгөөд цаашдаа үнэ хурдтайгаар өсөх хандлагатай байсан хэдий ч 2012 оны 3-р улирлын байдлаар орон сууцны үнэ тогтворжоод байна.

     7 сарын 09-ний байдлаар нийтдээ ОССК-иас 1928 иргэний материал Төрийн банкинд ирсэн бөгөөд үүнээс 305 иргэний 12 тэрбум төгрөгний зээлийн асуудлыг шийдвэрлэсэн. Одоо 250-иад хүний 7,5 тэрбум төгрөгний зээлийн асуудлыг судалж байна. Харин Капитал банк зээл олгоогүй байна.

Эх сурвалж: Мaster.MN