БАРИЛГЫН САЛБАРЫН БИЗНЕС ЭРХЛЭГЧДИЙН АНХААРАЛД

    Монголын Үндэсний Худалдаа Аж Үйлдвэрийн Танхим нь БНХАУ-ын Шанхай хотноо 2012 оны 11 дүгээр сарын 27-30-ны өдрүүдэд болох Барилга, зам, уул уурхайн тоног төхөөрөмжийн үзэсгэлэнд бизнес групп зохион байгуулан оролцох гэж байна.

    Уг үзэсгэлэнг Германы олон улсын үзэсгэлэнгийн групп,Хятадын барилгын машин тоног төхөөрөмж үйлдвэрлэгчдийн нийгэмлэг,Хятадын олон улсын худалдааг дэмжих хороо,Хятадын барилгын машин тоног төхөөрөмжийн компани зэрэг томооохон мэргэжлийн байгууллагууд хамтран 2 жилд нэг удаа зохион байгуулдаг цар хүрээний хувьд олон улсын хэмжээний хамгийн том үзэсгэлэн болно.

   Зохион байгуулагч нараас ирүүлсэн мэдээллээр энэ удаагийн үзэсгэлэнд дэлхийн 40 гаруй орны 2700 гаруй аж ахуйн нэгжүүд- нэр хүндтэй шилдэг үйлдвэрлэгч нар ирж оролцох ба үзэсгэлэнгийн нийт талбайн хэмжээ 300 000 кв.м байна. 170 000 гаруй дотоод гадаадын үзэгчид ирж үзэхээр бүртгүүлээд байна.

Үзэсгэлэнд тавигдах бараа бүтээгдэхүүний төрлүүд:

   Зам, барилга инженерингийн бүх төрлийн тоног төхөөрөмжүүд (экскаватор,хүрз,зам засвар арчилгааны техник тоног төхөөрөмж,дагтаршуулагч, газар доорх инженерингийн төхөөрөмж, өргөгч машин,хутгагч,тээврийн машин, хоолой болон кабел тавих тоног төхөөрөмж,хэрэгслүүд)

    Барилгын тоног төхөөрөмжүүд (бетон зуурагч,асфальтын машин,барилгын лифт,бетон хүчитгэгч төхөөрөмж,зуурмаг хуваах ширээ,шат,цахилгааны багажууд,цахилгаан үүсгүүр,бетон үйлдвэрлэлийн бүрдэл хэсгүүдийг үйлдвэрлэх иж бүрэн машин тоног төхөөрөмж,материал олборлох болон боловсруулах тоног төхөөрөмж,цемент, шохойны тоног төхөөрөмжүүд)

    Уул уурхайн бүх төрлийн тоног төхөөрөмжүүд

    Тусгай машин ( хүнд даацын ачааны машин,өөрөө буулгагч машин,бетон тээвэрлэгч машин,том оврын чиргүүл,олон үйлдэл бүхий зам арчилгааны машин,зам цэвэрлэгч машин, байгаль орчинг хамгаалах болон цас цэвэрлэгч машин,ачааны цистерн,задгай цемент тээвэрлэх машин, барилгын талбай дээр ашигладаг тусгай машин болон бусад төрлийн машин гэх мэт ),харилцаа холбоо,хяналтын систем тоног төхөөрөмж

    Дээрх машин тоног төхөөрөмжүүдийн холбогдох бүх төрлийн сэлбэг эд ангиуд

  Үзэсгэлэнгээс гадна Шанхай хот дахь UNDP SSGate байгууллагатай хамтран барилгын салбарынхантай бизнес уулзалт, тус үзэсгэлэнгийн Хятадын талын гол зохион байгуулагч China construction machinery групп, Барилгын хүнд машин тоног төхөөрөмж үйлдвэрлэгч-FOTON компани,Шанхай хот төлөвлөлтийн үзэсгэлэн,Шанхай хоттой танилцах аялал зэрэг арга хэмжээг зохион байгуулахаар төлөвлөж байна.

   Зам,барилга,уул уурхайн салбарын бизнес эрхлэгч, шинийг эрэлхийлэгч Та бүхэн орчин үеийн хамгийн шинэлэг дэвшилтэт технологи тоног төхөөрөмж,материалын талаар газар дээр нь судалгаа хийж үйлдвэрлэлдээ нэвтрүүлж бизнесийн цар хүрээгээ тэлэхийг хүсвэл бидэнтэй идэвхитэй хамтран ажиллаж оролцоно уу.

Бүртгэл дуусах эцсийн хугацаа: 2012 оны 11 сарын 15-ны өдөр

Холбоо барих:

МҮХАҮТ, ГХХОДХ, 302 тоот

Хариуцсан ажилтан:
Г.Жигжидсүрэн 99080791 312501
Ж.Алтанцэцэг 88117309 324394
Факс: 324620