Зөвшөөрөлгүй баригдсан 168 барилгыг  мэргэжлийн хяналт, нийслэлийн хяналт гээд шат шатандаа шалгаж, эздийг нь тогтоож байгаа. Хачирхалтай нь  100 шахам барилга хэний захиалгаар, хэрхэн баригдаж ирсэн нь тодорхой бус байсан юм. 

“Энэ хэний  барилга бэ, эзэн нь гарч ирэхгүй бол нураалаа” гэж сүрдүүлж, чамдуулж  байж зарим нэгнийх нь эзэн холбогдогчийг тогтоосон байна.  Гэвч одоо хэрнээ нэр бүхий 60 гаруй  барилгын захиалгачид тодрохгүй байгаа улмаас дараагийн арга хэмжээнд шилжиж, шүүх цагдаа дээрээ тулсан гэж  холбогдох албаны хүн мэдээллээ.

168 барилгыг олон нийтэд зарлаж, “ Үндэсний дээд сургууль”, “Гурван билэг компани” гээд хуулийг гууль болгосон байгууллагуудад арга хэмжээ авах нь тодорхой болсон.

Хэдийгээр барилгачдыг өмөөрөх сэтэл их төрдөг ч зарим нэг хэнэггүй, хууль дүрмээ дагаж мөрддөггүй хүмүүсийн үр нөлөөгөөр салбарын нэр хүнд унаж буйг сануулахыг хүсч байна.
Хэрэв цаашид дээрх байгууллагуудын эзэн холбогдогч нь олдохгүй бол ямар арга хэмжээ авах нь тодорхой юм. 

Ер нь яагаад 160 гаруй барилга зөвшөөрөлгүй баригдахад хүрсэн юм бол. Үнэхээр олон дамжлагатай, тэвчээр хатуужил шаарддаг барилга барих зөвшөөрлөөс болов уу? Эсвэл барилгын салбарыг хянаж цагдах мэргэжлийн байгууллага хүрэлцэхгүй байв уу гэдгийг  хаа хаанаа тунгааж бодох цаг нэгэнт ирсэн.

Нэг алдсан хүн дахин алдахгүйг хүсдэггүй шиг энэ байдлаас  захиалгачид болон барилгачид  сургамж авч, өөрийн дураар барилга барьж бусдын эрх ашигийг хөндөхгүй байлгүй.
Ямартай ч зөвшөөрөлгүй баригдсан барилгуудад арга хэмжээ авагдсаар байна.