“Симпедил Монголиа” ХХК-иас дэлхийн олон оронд ашиглагдаж буй шинэ шилдэг технологи болох барилгын бетон зуурмаг шахагч, шавар шүршигч TURBOSOL брендийн машин, тоног төхөөрөмжүүд, тэдгээрийг ашиглах зааварчилгаа, давуу талуудыг харуулсан танилцуулага сургалт семинарыг барилгын салбарынханд нээлттэйгээр зохион байгууллаа.

Үйл ажиллагаагаа амжилттай явуулж буй тус компани монголд орж ирээд  хоёр жилийн ардаа үдэж байгаа хэдий ч  олон үйлчлүүлэгч, худалдан авагчтай болж, Монгол Улсад  албан ёсны  салбараа нээн  ажиллуулж байна. “Симпедил Монголиа” ХХК-иас  чанарын баталгаатай олон тоног төхөөрөмжийг барилгачдадаа нийлүүлж чанарын өндөр түвшинд  ажил үүргээ гүйцэтгэхэд зориулагдсан зуурмагийн төхөөрөмжүүдийг санал болгож байгаа юм.

Жигд шүршигч, шалны зутгалтын зузаанаа өөрөө тааруулдаг зөвхөн цементээ хийгээд болох  тус машинууд олон компаний таашаалд нийцээд байгаа юм.  Барилга барина гэдэг бараг 100 хувь гар ажиллагаа шаарддаг байсан үе ард үлдэж дэлхийн шилдэг шинэ технологиор бүтээн байгуулалтыг мэргэжлийн түвшинд хийж гүйцэтгэх сайхан цаг иржээ. 

Эдгээр бүх төхөөрөмжийг хэрхэн ашиглах, ямар чадамжтай болох талаарх сургалтыг  Итали улсын инженер Алекссандро Каниато удирдан явууллаа.