Лондоны зуны Олимпийн наадам өнгөрснөөс хойш сая сая хүмүүс Бразилчууд ямар бэлэг барихыг тэсэн ядан хүлээж байна. Бразилд 2016 оны зуны Олимпийн наадмаас өмнө 2014 оны Хөлбөмбөгийн ДАШТ-ийг зохион байгуулах том даваа бий. Тус улсаас эдгээр арга хэмжээнүүдэд зориулж нэлээд тооны томоохон төсөл хэрэгжүүлж байгаагийн нэг нь Solar City Tower буюу Нарны Хотын Цамхаг хэмээх аварга том хиймэл хүрхрээ юм.

  2016 оны зуны Олимпийн наадмын архитектурын сонгон шалгаруулалтанд Шведийн РААФА компани хүрхрээний энэхүү загвараараа түрүүлжээ. Хүрхрээг Рио дэ Жанэйро хотын Гуанабарагийн арлуудын нэг Котундуба дээр байгуулах юм.

  Хүрхрээний арын босоо байгууламж нь ажиглалтын цамхаг бөгөөд энэ нь нарны эрчим хүчийг цуглуулж Олимпийн тосгоныг хангах гэнэ. Ингэхдээ өдрийн турш хуримтлуулсан нарны эрчим хүчээ шөнийн цагаар зарцуулахаар төлөвлөжээ.

  Цамхагт кофе шоп, дэлгүүр, амфитеатр зэргийг байгуулна. Мөн урсдаг шатаар дээш гарахдаа Рио дэ Жанэйро хотыг эргэн тойрон харах боломжтой.