Япон эрдэмтэд Монголд тулгараад байгаа бэрхшээлийг шийдэхээр иржээ. Арлын орны дэлхийд тэргүүлдэг “Рунон” корпорацийнхан агаар цэвэршүүлдэг обойг монголчуудад санал болгож байна. Нано технологиор бүтсэн энэхүү обой өрөөний агаараас бүх төрлийн “хор”-ыг ялган авч өөртөө шингээн задалдаг ид шидтэй. Гудамжин дахь утаа, угаар гэрт тань цэвэр агаар болон хувирах энэ ид шидийн талаар “Рунон” корпорацийн Осака салбарын захирал Томомото Масуми болон Шанхай дахь борлуулалтын салбарын захирал Кео Кейсей, Монгол дахь борлуулалтын салбарын захирал Д.Эрдэнэбилэг нарын яриаг уншигчиддаа хүргэе.

-Агаар цэвэршүүлэгч обойг ямар технологиор хийсэн талаарх танилцуулгыг эхлээд сонирхмоор санагдлаа?
-Бид энэхүү обойгоо “TF” / treaple fresh/ буюу гурвалсан цэвэрлэгээ гэж нэрлэсэн. Обой маань нано технологиор бүтсэн. Орц найрлагын хувьд японы эрдэмтдийн олон жилийн уйгагүй хөдөлмөр, судалгааны үр дүнд бий болсон. Маш олон удаагийн амжилтгүй туршилтын дараа гарч ирсэн учраас бидний бизнесийн нууц гэдгийг тодруулах нь зүйтэй болов уу. Ер нь бол энэ обойг дэлхийд өөр хаана ч үйлдвэрлэж чаддаггүй юм гэдгийг хэлэхэд хангалттай гэж бодож байна.
Одоогоос долоон жилийн өмнө “TF” обойг анх гаргаж авсан түүхтэй. Дашрамд хэлэхэд, манай “Рунон” корпораци обойгоор дагнаж үйл ажиллагаагаа явуулдаг бөгөөд  анхны “TF” обой гарснаас хойш бид технологио тогтмол хөгжүүлж, обойныхоо чанарыг өндөр төвшинд гаргаад байна. Хамгийн сүүлд гэхэд бид өнгөрсөн онд дэлхийд нэртэй “Good design 2011” шагналын эзэн болсон. Энэ бол бидний ажил ямар хэмжээнд үнэлэгдсэний бодит илэрхийлэл.

-Энэ обойг хэрэглэхдээ тусгай цавуугаар наах болон өөр бусад арчилгааг шаардах уу?
-Үгүй дээ. Яг л энгийн обойтой адил хэрэглээтэй. Ямар ч тусгай цавуу, тохирсон арчилгаа шаардахгүй. Та өнөөдрийг хүртэл обойг хэрхэн хэрэглэж ирсэн түүнтэй л ижил зарчимтай. Монгол орон хуурай сэрүүн уур амьсгалтай юм билээ. Тиймээс обойндоо тоос, тортог тогтсон тохиолдолд бүлээн усанд норгосон алчуураар цэвэрлэхэд л хангалттай.
-Эрүүл мэндэд тустай, агаар цэвэршүүлдэг энэ обой өнгө, загвар, сонголтын хувьд ямар байгаа бол?
-Бид монголчуудад 600 гаруй төрлийн сонголт бүхий обойг санал болгож байгаа.
-Японууд өөрсдөө энэхүү обойгоо хэр их хэрэглэдэг вэ?
-Монголд бид анх удаагаа ирж байна. Ялангуяа өвлийн улиралд Монголд агаарын бохирдол маш их байдаг юм байна. Манай Япон улсад ч гэсэн далаад оны үед агаарын бохирдол маш их байсан цаг үе бий. Агаарт цацагдаж байгаа химийн болон ахуйн хорт бохирдол, утаа нь  хүний эрүүл мэндэд маш хортой учраас бид ийнхүү олон жилийн уйгагүй туршилтын дүнд агаарын бохирдлыг шийдээд байна. Энэхүү обойны хувьд гэвэл 2005 онд анх зах зээлд гаргаснаас хойш одоо Японд Хоккайдагаас Кюүшью хүртэл / Японы умардаас өмнөд хүртэл бүх газар нутаг/ манай обойг хэрэглэж байгааг хэлэхэд таатай байна. Манай улсын бүхий л нэртэй зочид буудал, оффис, айл өрх гээд бүгд  манай обойг хэрэглэж заншсан. Эмнэлгүүдэд мөн ашиглаж байна. Энэ нь эм, тарианы эвгүй үнэрийг үгүй болгож, өвчтөнүүд тав тухтай үйлчлүүлэх боломжийг бүрдүүлдэг.
-Ноён Кео Кейсейгээс тодруулахад, “Рунон”  корпораци дэлхийн хэдэн оронд салбартай вэ. Монголд бүтээгдэхүүн нийлүүлэх санаа хэрхэн төрсөн бэ?
-За, ерөнхийдөө Азийн зах зээлд бүрэн гаргаад байгаа. Тайланд, Индонез, Малайз, Хятад, Солонгос гээд дурдвал олон байна. Монголд салбараа нээж байгаагийн тухайд ноён Эрдэнэболд тодорхой хариулт өгөх хэрэгтэй байх.

-Д.Эрдэнэболд: Би Япон улсад барилгын чиглэлээр суралцаад төгсч ирсэн. Японы барилгын салбарын алдартай компаниудын нэг “Рунон” корпорацийн Монгол дахь салбар “Сусуни” компанийн захирлаар ажиллаж байна. Манай компани Монголд тулгамдаж байгаа том асуудал болох утаа, агаарын бохирдолтой тэмцэх, өрх гэр, байгууллага аж ахуйн нэгжүүдэд цэвэр агаартай орчинд ажиллаж, амьдрах боломж олгох үүднээс энэхүү алдартай бүртээгдэхүүнийг импортлон оруулж, монголчууддаа танилцуулж байгаадаа баяртай байна.
-Хэрэглэгчдээ ямар үнэ санал болгох гэж байна вэ?
- Д.Эрдэнэболд: Обой маань үнэндээ энгийн нэг обой биш, бараг л ид шидийн гэмээр үйлчилгээтэйг сая япон захирал хэлснийг анзаарсан байх. Тэгэхээр үнийн хувьд одоогоор Монголын зах зээлд зарагдаж байгаа бусад бүтээгдэхүүнээс арай илүү үнэтэй. Гэхдээ бид Монголынхоо хэрэглэгчдэд дэлхийн стандартад  нийцсэн, эрүүл мэндэд тустай бүтээгдэхүүнийг анх удаа танилцуулж байгаа учраас зөвхөн гаалийн татварын үнийг багтаасан Япон дахь үнээр нь эхний нэг жилийн хугацаанд худалдахаар төлөвлөж байна.
-Ноён Томомото Масумигаас асууя. Обойны ид шидийн чанар хэзээ арилах вэ. Тодорхой хугацаа бий юү?
-/ инээв /Обойны маань ид шид арилахгүй ээ. Хэзээ элэгдэж, урагдаж дуусна тэр хүртэл үүргээ үнэнчээр биелүүлэх болно. Бид энэ тал дээр 100 хувийн баталгаа өгнө.
-Эцэст нь тодруулахад агаар цэвэршүүлэгч обойд задалж чадахгүй үнэр гэж бий юу?
- Агаарыг бохирдуулдаггүй үнэрүүд буюу амьд цэцэг, үнэртэй ус, үнэртүүлэгч зэрэг таатай үнэрүүдийг задлахгүй. Бусад бүх хортой, бохир үнэрийг задалж, өөртөө уусган үгүй болгоно.


Б. Өнөрмаа

Жич:Ярилцлага эхлэхийн өмнө ноён Томомото Масуми, Кео Кейсей нар обойныхоо ид шидийг үзүүлж, багахан туршилт эхлүүлэв. Энгийн болон “TF” технологиор бүтсэн агаар цэвэршүүлэгч обойн дээр  маш хурц үнэртэй аммиак хэмээх бодисыг химийн урвалд оруулан ягаан өнгөтэй болгож, ижил хэмжээгээр дусаав. Бас адил хэмжээтэй битүү саванд үсний будагны үнэртэй адил үнэр ялгаруулагч хийгээд зэрэг таглав. Хоёр минут орчим өнгөрсний дараа “TF” обой дээрх толбо шингэн алга болж, битүү саван дахь үнэр ор мөргүй алга болсон байлаа. Харин энгийн обой үнэрийг шингээгээгүйгээр үл барам 20 минутын дараа ч толбо хэвээрээ үлдэж байна.