Хятадын Ляонин мужийн Фушун хотод дэлхий дээрх хамгийн том бөгжийг бүтээж дуусахад багагүй хугацаа үлдээд байна. Бөгж гэсний учир нь энэхүү байгууламж яг л асар том бөгж шиг харагдах бөгөөд "Ring of Life" буюу "Амьдралын бөгж" хэмээн нэрийдсэнд буй. Энэхүү байгууламжийг 3000 тн төмрөөр бүтээсэн бөгөөд 157 метрийн диаметртэй, түүнийг нь 12000 лэд гэрлээр гэрэлтүүлэх юм байна. Мөн жуулчдад зориулж урсдаг 4 шат байрлуулжээ.

  Юуны тулд энэ байгууламжийг бүтээж байгаа нь баригдаж эхлэхээс нь авахуулаад олны анхаарлын төвд байсан. Харь гаригийнхан байдагт итгэдэг зарим хүн үүнийг "Оддын хаалга" гэж хүртэл таамаглаж байв. Харин орон нутгийн удирдлагууд хот нь хүн ам цөөтэй аялал жуулчлалын зорилгоор гэхээсээ илүүтэй зүгээр л хотыг өндөр дээрээс харахад зориулж энэхүү байгууламжийг байгуулсан хэмээн мэдэгджээ. "Амьдралын бөгж" гэж нэрлэсэн нь тэнгэр дэх диваажинд хүрэх замыг бэлгэдсэн гэнэ. Байгууламжийг бүтээхэд 16 сая ам.доллар зарцуулсан юм байна.