Шударга Өрсөлдөөн Хэрэглэгчийн Төлөө Газарт сүүлийн үед орон сууцны үнийн асуудалтай холбоотой санал гомдол ихээхэн ирж байгаа гэнэ. Эдгээр хүсэлтийн дагуу тус газраас орон сууцны үнийн асуудлыг тодорхой болгох зорилгоор ОССК-тай хамтран ажлын хэсэг байгуулан ажиллаж эхэлжээ. ШӨХТГ-ын дарга О.Магнайгийн хэлж байгаагаар тодорхой үнийн дүнгээс дээш үнэтэй орон сууцыг тансаг зэрэглэлд багтаах бөгөөд тэдгээрт арай өндөр татвар ногдуулах юм байна.

      Тухайлбал, 1 кв.м нь 5000 ам.долларын үнэтэй байшин, 1 кв.м нь 1 сая төгрөгийн үнэтэй байртай ижил хэмжээний татвар төлж болохгүй учир тансаг хэрэглээг тогтоож, татвар нь арай өндөр байх нөхцөл рүү шилжүүлэх гэнэ. Үүний үр дүнд барилгын компаниуд өндөр татвартай байшин барихаас илүү хямд орон сууц барих тал руу шилжинэ гэж үзэж байгаа юм байна. Төрөөс барилгын компаниудыг үнээ буулга гэж шаардахад хэцүү тул ийм маягаар хямд үнэтэй орон сууц барих сонирхлыг бий болгохоор зорьж байна.