Зөвшөөрөлгүй дур мэдэн барилгын ажлаа эхлүүлсэн “том толгой”-тнуудын хариуцлага үйлдлээс үү? Эсвэл хариуцлагагүй ажилтнаас үүдэлтэй хэрэг үү?

 

      Ямартай ч 9-р сар гарсаар барилгын ослоор 4 хүний эрдэнэт амь эрсэдлээ. Үүний хариуцлагыг хэн хүлээх вэ? Манайд “мөнгө цагаан, нүд улаан” гэдэг үг жинхэнэ утгаар нь биелэлээ олоод байх шиг. Нийтийн эзэмшлийн талбай усан оргилуур, тоглоомын талбай тохижуулах нэрийдлээр хагас дутуу зөвшөөрөл авсан бол барилгын ажлаа эхлүүлдэг.

 

      Амарч суух тав тухтай цэцэрлэгт хүрээлэнтэй болох нь ашгүй дээ гэж байтал хэдхэн сарын дотор хэдэн давхар барилга сүндэрлээд эхэлдэг. Ийм байдал манайд хэвийн үзэгдэл болсон гэхэд хилсдэхгүй. Зөвшөөрөлгүй барилга дээр асуудал үүсэхэд цаана нь том дарга байж л байдаг. Төрийн тамга барьсан “түрийвчээ түнтийлгэгч”эрх мэдэлтнүүдийн эрх хэдэн хүний амь насаар үнэлэгдэх гээд байна.  

 

     “Ажилчдын хариуцлагагүй байдлаас болсон осол” гээд хэнэг ч үгүй сууж байгаа компанийн захиралд уу? зөвшөөрлийн тамга дарсан даргад уу? юутай ч ямар нэг арга хэмжээ авахгүй бол гудамжаар ч тайван алхах боломжгүй болж байна.