Монголын барилгын- инженерүүдийн холбооны дэргэдэх Эрчим хүч хэмнэлтийн төв нь иргэдэд зориулсан “Эрчим хүчний хэмнэлттэй амины орон сууц” сэдэвт сургалтыг амжилттай зохион явуулж байна.

Сургалт есдүгээр сарын 19,20,21 гээд гурван өдөр үргэлжилэх бөгөөд сургалтын эхний өдрийн байдлаар зургаан дүүргийн 30 гаруй иргэн хамрагдаж, амины орон сууцаа  дулааны алдагдалгүй хэрхэн зөв барих, ямар материал бүтээгдэхүүн сонгох, зээлд яаж хамрагдах зэрэг хэрэгцээтэй байгаа бүх мэдээллийг мэргэжлийн хүмүүсээс авч байна.

Дашрамд дуулгахад тус сургалтад хамрагдах хүсэлтэй бүх иргэдэд үүд хаалга нь нээлттэй юм байна.