Барилгын салбарыг тойрсон олон асуудлыг цэгцлэх, хөдөлмөрийн аюулгүй ажиллагааг хангах зорилгоор Барилга, Хот байгуулалтын сайд Ц.Баярсайхан  албан даалгавар гаргаж өнөөдрөөс эхлэн бүх барилгын компаниудад хүргүүлэхээр болжээ.

Барилгын болон хөдөлмөрийн аюулгүй ажиллагаа, норм дүрэм стандартыг сахин биелүүлэх, эрүүл ахуйн хууль дүрэм, болзошгүй осол аваараас урдчилан сэргийлэх зорилго бүхий албан тоот даалгавар нь  2012 оны 9.19 нд гарчээ. Тус албан даалгаварт:

1.  Хөдөлмөрийн аюулгүй байдлыг хангах зорилгоор гаргасан хууль тогтоомж, санамж бичгийг чанд мөрдүүлэн ажиллах.

2.    Хөдөлмөр хамгаалалын инженерийг тогтмол цагаар ажиллуулж, аюулгүй байдлыг хангах.

3. Барилга угсралтын явцад хувь хүн, хуулийн этгээдүүдэд учирч болзошгүй хохирлыг тооцоолж  даатгуулах арга хэмээг авах.

4.   Барилгын угсралтын талбайд ажилчдыг аюулгүй хувцасаар хангах

5.   Техникийн бүрэн бүтэн байдлыг хангах.

6.  Инженер техникийн ажилтнуудад хууль дүрэм, аюулгүй ажиллагааны талаар  сургалт явуулах гэх зэрэг албан даалгавар гаргаснаа танилцууллаа.