Барилгын салбарын шилдэг аж ахуйн нэгж байгууллагууд, барилгын салбартай ажил үйлсээрээ холбогдсон барилгачид, олон улсын оролцогчид нэгэн дор чуулсан 37 дахь удаагийн “BARILGA EXPO” олон улсын барилгын үзэсгэлэн яармаг дөрөвдүгээр сарын 11-13 - ны өдрүүдэд Буянт- Ухаа ордонд амжилттай зохион байгуулагдлаа. 

Энэ удаагийн үзэсгэлэнд Монгол, Хятад, Оросын Холбооны Улс, Солонгос, Япон, Герман, Чех, Итали, Турк зэрэг 20-иод улсын 400 орчим аж ахуй нэгж байгууллагууд “Build smart …” уриа дор нэгдэж, барилгын материал, дэвшилтэт техник технологи, төсөл хөтөлбөрүүдээ танилцуулсан бөгөөд үзэсгэлэнгийн зохион байгуулах хорооны зүгээс уламжлал ёсоор шилдэг 8 аж ахуй нэгж байгууллагыг шалгарууллаа. Үүнд: 

ШИЛДЭГ  ҮЙЛДВЭРЛЭГЧЭЭР Материалимпекс ХК

Материалимпэкс ХК нь 1957 онд байгуулагдсан бөгөөд, гадаад дотоод худалдаа, барилга угсралт, барилгын материалын үйлдвэрлэл, улс хоорондын тээвэр зуучлал, ажлын байрны түрээс, агуулахын аж ахуй гэсэн үндсэн чиглэлүүдээр үйл ажиллагаа явуулдаг Монгол Улсын шилдэг 100 аж ахуйн нэгжээр удаа дараа шалгарсан томоохон компаниудын нэг болон өргөжин тэлсээр байна. Тэд барилгын материалын үйлдвэрлэлийн салбарт Шил ганжуулалт, хуванцар болон метал вакум цонх, хаалганы "Материал гласс"  үйлдвэр, “Бетон” зуурмагын үйлдвэрүүд нь үйл ажиллагаагаа явуулж, барилгын материалыг ханган нийлүүлж байна.

ШИЛДЭГ БАРИЛГЫН МАТЕРИАЛААР Пирамид индастри ХХК "Чулуут өнгөлгөө" 

Пирамид Индастри ХХК нь 1996 онд байгуулагдсан бөгөөд гадна фасадны материал үйлдвэрлэгч үндэсний үйлдвэр юм. Тус компани нь гадна фасадны чулуут өнгөлгөөний материалын үйлдвэрийг 2013 онд анхлан эх орондоо нэвтрүүлж олон удаагийн туршилт, судалгаа, технологийн дэвшлийн дүнд өдгөө Монгол орны эрс тэс уур амьсгал, нар салхинд тохирсон бүтээгдэхүүн үйлдвэрлэж зах зээлд нийлүүлж байна. 

Тус үйлдвэр нь бүтээгдэхүүний гол түүхий эд болох буталмал чулууны тодорхой хувийг эх орны түүхий эдээр хийх, үйлдвэрлэлийн дамжлага, цэвэрлэгээнд уурын шугамаас хуримтлагдсан усыг ашиглах зэрэг тогтвортой хөгжил, дотоодын эдийн засгийг дэмжихэд өөрийн хувь нэмрээ оруулж ажиллаж байна.  

ШИЛДЭГ ТӨСЛӨӨР Богд Виста бизнес апармент 

Эрүүл орчин, эрүүл амьдралын хэв маягийг бүрдүүлсэн BOGD VISTA Business Apartment Бизнес зэрэглэлийн орон сууц нь Улаанбаатар хотын шинэ суурьшлын бүс болох Хан-Уул дүүргийн 24-р хорооны нутаг дэвсгэр, Богд Уулын хойд бэлд эрүүл цэнгэг агаар, бохирдолгүй хөрс бүхий бүсэд байрладаг.

Тус төсөл нь орчин үеийн шийдэл бүхий нийт 16 давхарт 4 блок 630 айлын орон сууц, худалдаа үйлчилгээний талбайн бүхий орон сууцны хотхон юм. Нийт 2000мкв талбай бүхий автомашингүй бүсд хүүхдийн аюулгүй байдалд нийцсэн тоглоомын талбай болон ногоон байгууламжтай. 

ШИЛДЭГ ТӨСӨЛ ХЭРЭГЖҮҮЛЭГЧЭЭР Нутгийн Буян Групп ХХК

“НУТГИЙН БУЯН ГРУПП” ХХК нь анх 2011 онд  үүсгэн байгуулагдсан бөгөөд Монгол улсад хэржүүлж буй нийслэл хотын дэд төв ШАРХАД дэд төв ногоон орон сууц төслийн хэрэгжүүлж байна. 

Энэ удаагийн Barilga Expo үзэсгэлэнд ХАППИ РЕЗИДЕНС ХОТХОН, ОЧИР СИТИ ХОТХОНЫ төслөөрөө оролцсон бөгөөд энэхүү төсөл нь хамгийн том ногоон байгууламжтай, 1000 гаруй авто машины зогсоолтой, 640 айлын орон сууц юм.

ШИЛДЭГ НОГООН ТЕХНОЛОГИ НЭВТРҮҮЛЭГЧЭЭР Edunburgh Elevator Mongolia

Edunburgh Elevator Mongolia - ийн лифтний хувьд Эрчим хүчний хэмнэлтийн IOS стандарт А+++ зэрэглэл буюу хамгийн өндөр үнэлгээтэй, хамгийн бага энерги зарцуулдаг. Инвертерээр дамжуулан доошоо явахдаа эрчим хүчийг хуримтлуулаад дээшээ явахдаа зарцуулдаг бөгөөд 70 хувиар эрчим хүчийг хэмнэдэг байна. 

Автомат авто зогсоолын систем нь зай талбайн хүртээмжийг нэмэгдүүлэх хамгийн дэвшилтэт технологи юм. Тухайлбал 3 машины зайд 5 машин тавих мөн зургаан машины зайд 32 машин тавих боломжтой бүрэн автомат аюулгүй шийдэл бөгөөд эрчим хүчний хувьд маш бага хэрэглээтэй.

ШИЛДЭГ ХАНГАН НИЙЛҮҮЛЭГЧЭЭР Хүннү конкрет  ХХК

Хүннү конкрет компани нь 2011 оноос хойш 14 дэх жилдээ барилгын материал, бетон зуурмагийн үйлдвэрлэлийн чиглэлээр тасралтгүй үйл ажиллагаа явуулж байгаа бөгөөд цагт 180м3 бетон зуурмаг үйлдвэрлэх хүчин чадалтай Смарт, Ил тод, туршилт судалгаанд суурилсан цогц үйлдвэрлэлийг явуулж байна. Тэд салбартаа хамгийн том Бүрэн автомат автобаазыг байгуулж,  саарал усыг дахин боловсруулах систем нэвтрүүлсэн байна. Түүнчлэн Монголдоо анхдагч бетон зуурмагийн Report Application-ийг хөгжүүлэн ажилттай нэвтрүүлээд байгаа юм.

ШИЛДЭГ ОРОЛЦОГЧООР Топ керамикс ХХК

ТОП КЕРАМИКС компани нь 2023 оноос тавилга болон интерьерт ашиглах төрөл бүрийн синтеред чулуун хавтан импортлон чулуун хийцлэлийн үйлдвэрлэл явуулж ирсэн бөгөөд үйл ажиллагаагаа өргөжүүлэн 2024 оноос дэлхийд тэргүүлэгч GANI, HONGYU, GIANIA брэндийн шаазан плитаг  албан ёсны эрхтэйгээр импортлон оруулж ирж байна.  

700 мкв бүхий плитаны шөүрүүмийг нээн цаашдаа архитекторуудын ур ухаан, интерьерийн төгс шийдэлд нийцсэн дэлхийн шилдэг брэндүүдийг Монголын зах зээлд албан ёсны эрхтэйгээр нэвтрүүлж, хэрэглэгч бүрийн хэрэгцээнд нийцсэн, чанартай, баталгаатай, дээд зэргийн стандарт бүхий бүтээгдэхүүнийг хүргэхээр ажиллаж байна. 

ШИЛДЭГ ОРОЛЦОГЧООР Өрнөх хүч инженеринг ХХК

Barilga Expo олон улсын барилгын үзэсгэлэн яармагт 4 дэх удаагаа амжилттай оролцож байгаа “Өрнөх хүч инженеринг” ХХК нь Лифтний салбарт өөрийн гэсэн өнгө төрхийг бий болгосон, салбарын тэргүүлэгчдийн нэг билээ. 10 гаруй жилийн туршлагыг хуримтлуулан яваа тус компани нь энэ удаагийн экспод үйл ажиллагааныхаа өргөтгөл болсон олон улсад нэр хүндтэй HIKVision брэндийн холбоо дохиолол тэр дундаа хяналтын камер, нэвтрэх систем, галын аюулгүйн системийг танилцуулан оролцлоо. 

Мөн үзэсгэлэнгийн гурван өдрийн турш Төр болон ТББ, барилгын салбарын мэргэжилтнүүдийн илтгэлүүд тавигдаж, хүрэлцэн ирсэн үзэгч хэрэгчдэд мэдлэг, мэдээлэл түгээлээ. 

Түүнчлэн үзэсгэлэнгийн үеэр "Амины орон сууц"  каталогийн 8 дахь цувралыг танилцуулсан бөгөөд тус каталог дээрх загваруудаас хүссэн амины орон сууцаа сонгон зураг төслийг нь үнэ төлбөргүй авах эрхийн бичгийг гурван азтанд гардууллаа. 

37 дахь удаагийн BARILGA EXPO олон улсын барилгын үзэсгэлэн яармагийн  ерөнхий зохион байгуулагчаар Барилга МН, хамтран зохион байгуулагчаар Хот байгуулалт, Барилга, Орон сууцжуулалтын яам,  Байгаль Орчин, Уур Амьсгалын Өөрчлөлтийн Яам, Ерөнхий ивээн тэтгэгчээр ВЕРТЕКС ТОВЕР ХХК - ийн MAXWELL RESIDENCE, NCD PRECON ХХК, ивээн тэтгэгчээр AGARTA RESIDENCE, BOGD VISTA BUSINESS APARTMENT тус тус оролцлоо. Үзэсгэлэн  яармагийн  ивээн тэтгэж, дэмжин ажилласан байгууллагууддаа талархал илэрхийлье!