Танд энэ өдрийн мэнд. Эхлээд уншигчдад өөрийгөө болон таны төлөөлж буй байгууллагыг товч танилцуулна уу.

Баярлалаа. Намайг Уранбилэг гэдэг. Би “Росторг” ХХК-ийн Төслийн албаны даргаар ажилладаг. Манай компани барилгын материалын худалдаа, нийлүүлэлтийн чиглэлээр олон жил амжилттай ажиллаж, чанар, найдвартай байдлыг эрхэмлэн хэрэглэгчдэдээ хүргэж ирсэн. Өнөөдөр “Росторг” гэх нэр бол чанар, баталгааны илэрхийлэл болсон гэж хэлж болно. Энэ удаагийн үзэсгэлэн худалдаанд оролцож байгаадаа бид туйлын баяртай байна. Бид хэрэглэгчдэдээ шинэ бүтээгдэхүүн, шийдлүүдийг танилцуулж, илүү ойр харилцаа үүсгэх зорилготойгоор оролцож байгаа.

Үзэсгэлэнгийн хүрээнд танилцуулж буй шинэ бүтээгдэхүүнээс онцлох зүйл бий юү?

Тийм ээ.  Энэ удаагийн үзэсгэлэнд бид дэлхийд танигдсан цоо шинэ KNAUF ARMSTRONG брэнд бүтээгдэхүүний дүүжин таазыг танилцуулж байна. Knauf Ceiling Solutions нь таазны шинэлэг шийдлүүдийг боловсруулж, үйлдвэрлэх чиглэлээр тэргүүлэгч олон улсын компани юм. Энэ нь 2019 онд KNAUF групп компаниудын нэг хэсэг болох Knauf AMF-ийн таазны салбарт нэгдэн орсон тэргүүлэгч тааз үйлдвэрлэгч Armstrong Ceiling Solutions компани бөгөөд олон жилийн туршлага, технологид суурилдаг. Материалын төрөлд хатуу эрдэс шөрмөслөг, зөөлөн шилэн шөрмөслөг, төмөр, мод, модон шөрмөслөг ордгоороо онцлог бөгөөд эмнэлэг, сургууль, хүүхдийн цэцэрлэг гэх мэт тусгай шаардлага өндөр өрөө тасалгаанд ашиглах боломжтой эрүүл мэндийн салбарын шийдэл. Энэ брэнд нь олон улсын стандартын дагуу үйлдвэрлэгддэг бөгөөд Монголын зах зээлд тохирсон, удаан эдэлгээтэй, орчин үеийн дизайны шийдлийг гаргаж чаддаг гэдгээрээ онцлог юм.

Танай бүтээгдэхүүний чанарын талаар онцлоход, хэрэглэгчдэд ямар баталгаа өгдөг вэ?

Бидний гол зорилго бол хэрэглэгчдэд зөвхөн сайн бараа зарах бус, стандартад нийцсэн, олон улсын шаардлагыг хангасан шийдлийг санал болгох юм. Манай нийлүүлдэг бүтээгдэхүүнүүд бүгд чанар, баталгаажуулалтын гэрчилгээтэй, шалгуур үзүүлэлтийн дагуу нягт шалгагддаг.  Барилгын салбарын онцлог нь эдэлгээ даах чадвар, найдвартай байдал учраас бид энэ тал дээр тууштай ажилладгаараа энэ нь хэрэглэгчийн сэтгэл ханамж, итгэлцлийг бий болгодог.

Танай брэндүүд хэрэглэгчдэд ямар давуу талыг санал болгож байна вэ?

Нэгдүгээрт, чанартай, удаан эдэлгээтэй, хэрэглэгчийн хэрэгцээнд нийцсэн бүтээгдэхүүн санал болгодог. Хоёрдугаарт, барилгын норм стандартын шаардлагыг бүрэн хангадаг тул мэргэжлийн байгууллага, инженерүүдийн хувьд найдвартай сонголт болдог. KNAUF AMF-ийн хувьд олон улс оронд олон жил ашиглагдаж ирсэн туршлагатай, зах зээл дээр батлагдсан брэнд. Монголын барилгын салбар илүү мэргэжлийн, урт хугацаанд эдэлгээ даах шийдлүүдийг эрэлхийлж байгаа энэ үед бид хамгийн тохирсон сонголтыг санал болгож, борлуулж эхэлж байгаа нь маш том алхам гэж харж байна.

Танай компанийн цаашдын зорилгыг товчхон хуваалцвал?

Бид чанартай, найдвартай бараа бүтээгдэхүүний хүрээгээ өргөжүүлж, хэрэглэгчдийн хэрэгцээнд нийцсэн мэргэжлийн шийдлийг санал болгохоор зорьж байна.“Росторг” ХХК үргэлж чанартай бүтээгдэхүүн, найдвартай үйлчилгээ санал болгосоор байх болно.