37 дахь удаагийн “BARILGA EXPO” олон улсын барилгын үзэсгэлэн яармаг “Build smart …” уриа дор дөрөвдүгээр сарын 11-13-ны өдрүүдэд Буянт - Ухаа ордонд зохион байгуулагдана. Барилга бүтээн байгуулалтын ажил эхэлж буй хаврын улиралд зохион байгуулагддагаараа онцлог тус үзэсгэлэн яармагт барилгын салбарт үйл ажиллагаа эрхлэгч дотоодын болон олон улсын 400 гаруй бизнес эрхлэгчид нэг дор цугларан салбартаа шинээр нэвтэрч буй техник технологи, бүтээгдэхүүнээ танилцуулах юм. Үзэсгэлэнгийн өдрүүдэд оролцогч компани, үзэгч хэрэглэгчдэдээ зориулан барилгын салбарын уулзалт, мэргэжлийн сургалт, семинар, хэлэлцүүлэг зохион байгуулна. 

"Угсармал барилгын технологийн өнөө үе" сэдэвт хэлэлцүүлэг дөрөвдүгээр сарын 11-ны 13:30 цагт Буянт-Ухаа ордонд болно. Хэлэлцүүлгийн модератороор МБҮА-ийн гүйцэтгэх захирал Г.Батсүх,  хэлэлцүүлэгт  ХББОСЯамны Барилгын материалын хэлтсийн дарга Д.Батзориг, МУ-ын Гавьяат барилгачин Б.Цэдэнсамба, "Winparts" ХХК-ийн гүйцэтгэх захирал Б.Наранчанга, NCD prekon ХХК-ийн гүйцэтгэх захирал Д.Энхтүвшин нар оролцоно.