Барилгын салбартай холбоотой мэдээ мэдээлэл, судалгаа, салбартаа нэр хүндтэй зочдын ярилцлага, мэргэжилтний зөвлөгөө, шинэ орон сууц, барилгын материалын үнэ ханшийн судалгааг сар бүр, ажил гүйцэтгэлийн үнэлгээг улирал тутам шинэчлэн гаргадаг Барилга МН сэтгүүлийн 2025 оны дөрөвдүгээр сарын 179 дэх шинэ дугаар уншигчдадаа хүрч эхэллээ. 

Энэ сарын дугаарын нүүр хуудсанд МАК ХХК хамтран ажиллалаа. 

 179 дэх дугаарт гарсан онцлох булангуудаас танилцуулбал, 

VIP ЗОЧИН 

Энэ удаагийн VIP ярилцлагын зочин хоймортоо УИХ-ын гишүүн Хот Байгуулалт, Барилга, Орон Сууцжуулалтын яамны сайд Ж.Батсуурьтай ярилцлаа. Тэрбээр албаа аваад удаагүй ч 2024-2028 онд баримтдан ажиллах бодлогоо тодорхойлж, оновчтой шийдвэрүүд гаргаж, барилгын салбарт эрс өөрчлөлт шинэчлэлт авч ирэхээр ажиллаж буй. Их бүтээн байгуулалтын он жилүүд эхэлж, шинэ сорилтууд бидний өмнө тулгарч байгаа энэ цаг үед цаашид ямар бодлого төлөвлөгөөтэй ажиллах талаар түүнтэй ярилцлаа.   

НИЙТЛЭЛ

Дэлхийн өвийн хадгалалт хамгаалалтын мэргэжилтэн, Японы соёлын өвийн хамтын ажиллагааны концерцум О.Ангарагсүрэн “Монголын түүхэн дурсгалт барилга, архитектурын дурсгалын өнөөгийн байдал” цуврал нийтлэл хүргэж байгаа билээ. Тэгвэл энэ удаагийн дугаарт “Эрдэнэзуу хийдийн Рэгсүнгомбын сүм, гурван зуугийн хрэмэн хашаа, Алтан суварга” IV хэсгийг хүргэж байна. 

СУДАЛГАА

Барилга бүтээн байгуулалтын улирал эхэлж буй энэ цаг үед Барилга МН сэтгүүлийн судалгааны буланд барилгын талх гэгдэх цементийн зах зээлийн төлөв байдал, үнийн судалгааг хүргэж байна. 

ТОДРУУЛГА

Монголбанкны Мөнгөний бодлогын ээлжит хурлаар бодлогын хүүг 2 нэгж хувиар өсгөн 12 хувьд хүргэхээр шийдвэрлэсэн. Ингэснээр Төв банк 2024 оны эхээс зөөлрүүлэх чиг хандлагатай байсан мөнгөний бодлогоо өөрчилж, эргэн чангаруулж байгаа юм. Тэгвэл бодлогын хүү өссөнөөр барилгын салбарт барилгын салбар болон иргэдийн санхүүгийн байдалд хэрхэн нөлөөлөх талаар Санхүү Эдийн Засгийн Их сургуулийн Санхүүгийн тэнхимийн дэд профессор, эдийн засагч Ж.Дэлгэрсайханаас тодрууллаа. 

ЗАЛУУ ИНЖЕНЕР

Залуу инженер ярилцлагын буландаа MCS Property компанийн Барилга угсралтын албаны удирдах инженер, 2024 оны “Барилга угсралтын шилдэг инженер”-ээр шалгарсан Э.Ганбаатартай ярилцлаа. Тэрбээр ээжийнхээ ажил мэргэжлийг өвлөн үргэлжлүүлж барилгын салбарт 14 дэх жилдээ ажиллаж буй арвин туршлагаасаа хуваалцлаа. 

АМИНЫ ОРОН СУУЦ

Гэр хороололд амьдарч буй иргэдийн амины орон сууцны хийцлэл уламжлалт аргаар зураг төсөлгүй барьсан тооосгон, модон байшингууд байдаг ба дулаан алдагдал ихтэй, эрчим хүчний хэрэглээ өндөр, чанар стандартын шаардлага хангахгүй байдгаас үүдэн агаар, орчин, хөрсний бохирдол, хүлэмжийн хийн ялгарал их байдаг. Тэгвэл манай орны эрс тэс уур амьсгалд нийцсэн эрчим хүчний хэмнэлттэй ногоон барилгын хийцлэл, төрлүүдийн талаар Барилга МН сэтгүүлийн 179 дэх дугаарын Амины орон сууц булангаас уншаарай. 

ҮЛ ХӨДЛӨХ ХӨРӨНГӨ

Дэлхийн хөгжингүй болон хөгжиж буй улс орнууд тэнгэр баганадсан өндөр барилга барих нь түгээмэл байдаг. Тэгвэл өндөр барилаг барихын олон талын ашиг тус давуу болон сул тал, эдийн засгийн үр өгөөжийн талаар Эдийн засгийн шинжээч Жейсон М.Баррын нийтлэлийг орчуулан хүргэж байна. 

ТАНАЙД ЗОЧИЛЪЁ

Хотын төвийн түгжрэлийн бүсээс ангид баруун бүсийн барилыг материалын нэгдсэн худалдааны төв Барилгачин худалдааны төвөөр үйлчлүүлсэн нэгэн иргэний бидэнд ирүүлсэн сэтгэгдэлийг хүргэж байна.  

Мөн та Барилга МН сэтгүүлээс орон сууцны үнэ ханш болон ажил гүйцэтгэлийн тайлан,  шинэ орон сууцны судалгаа зэргийг уншаарай. 

СЭТГҮҮЛ ЗАХИАЛАХ 

Онлайн унших

Утас: 9100-0233, 7711-3333