Барилга бүтээн байгуулалтын ажил идэвхжих хаврын улиралд барилгын салбарын аж ахуй нэгж байгууллагуудын дунд жил бүр уламжлал болгон зохион байгуулдаг “BARILGA BASKETBALL 2025” сагсан бөмбөгийн аварга шалгаруулах тэмцээн 15 дахь жилдээ энэ сарын 14-16-ны өдрүүдэд “Тэмүүжин спорт цогцолбор”-т боллоо. 

Аваргуудын медалийг тэмцээний зохион байгуулагч Барилга МН гүйцэтгэх захирал Д.Цолмонгэрэл болон Хот Байгуулалт Барилга Орон Сууцжуулалтын Яамны Орон Сууцжуулалтын Хэлтсийн Дарга Э.Батболд, ивээн тэтгэгч Schomburg ХХК-ийн гүйцэтгэх захирал Я.Буянхишиг, дэмжигч байгууллага Дельта Лифт ХХК-ийн гүйцэтгэх захирал Г.Бат-Амгалан нар гардууллаа. 

Гурван өдрийн турш үргэлжилсэн тус тэмцээнд барилгын салбарын инженер техникийн ажилтнуудаас бүрдсэн нийт 36 багийн 300 орчим тамирчин, хөгжөөн дэмжигчид оролцлоо. 

NCD компанийн эмэгтэй баг хүрэл медаль 

MCS Property компанийн эрэгтэй баг хүрэл медаль хүртлээ

Нутгийн Буян группын эмэгтэй баг мөнгөн медаль хүртлээ 

Макс Групп компанийн эрэгтэй баг мөнгөн медаль хүртлээ

ОСНААУГ-ын эмэгтэй баг алтан медаль хүртэж цомын эзэн боллоо

Гурван Бухат компанийн эрэгтэй баг алтан медаль хүртэж цомын эзэн боллоо

Тэмцээний Шилдэг эрэгтэй тоглогчоор, 

"Гурван Бухат" компанийн тамирчин  А.Адъяа 

Тэмцээний Шилдэг эмэгтэй тоглогчоор, 

ОСНААУГ-ын тамирчин Б.Энхжаргал нар шалгарсан бол 

Шилдэг хөгжөөн дэмжигчээр “Макс Групп”-ын хөгжөөн дэмжигчид шалгарлаа.