Орон сууцны үнийн индекс 2025 оны хоёрдугаар сард 1.25 болж, өмнөх оны мөн үеэс 12.7 хувиар, өмнөх сараас 1.1 хувиар тус тус өссөн талаар Үндэсний статистикийн хорооноос мэдээллээ. 

Орон сууцны насжилтаар авч үзвэл, шинэ орон сууцны үнэ өмнөх оны мөн үеэс 7.4 хувиар, өмнөх сараас 0.2 хувиар өссөн бол хуучин орон сууцны үнэ өмнөх оны мөн үеэс 15.4 хувиар, өмнөх сараас 1.4 хувиар тус тус өссөн байна.

2025 оны хоёрдугаар сард шинэ орон сууцны 1 метр квадрат талбайн дундаж үнэ 4.40 сая төгрөг болж, Сүхбаатар дүүрэгт хамгийн өндөр буюу 5.61 сая төгрөгийн үнэтэй байна. Шинэ орон сууцны дундаж үнэ өмнөх оны мөн үетэй харьцуулахад Сүхбаатар дүүрэгт 31.1 хувиар (1329.9 мянган төгрөг) өссөн нь хамгийн өндөр, Хан-Уул дүүрэгт 3.9 хувиар ( 164 .8мянган төгрөг) өссөн нь хамгийн бага байна.

2025 оны хоёрдугаар сард хуучин орон сууцны 1 метр квадрат талбайн дундаж үнэ 4.50 сая төгрөг болж, Сүхбаатар дүүрэгт хамгийн өндөр буюу 5.67 сая төгрөгийн үнэтэй байна. Хуучин орон сууцны дундаж үнэ өмнөх оны мөн үетэй харьцуулахад Чингэлтэй дүүрэгт 33.6 хувиар (1371.4мянган төгрөг) өссөн нь хамгийн өндөр, Сонгинохайрхандүүрэгт 12.6 хувиар ( 336 .9мянган төгрөг) өссөн нь хамгийн бага байна.