Засгийн газрын инфляц, нүүрсний үнийн уналт, алт олборлолтыг нэмэгдүүлэх, монгол төгрөгийн ам.доллартай харьцах ханш гээд эдийн засгийн хүндрэлтэй асуудлаар өчигдөр хуралдлаа.

Манай улс 2025 онд 83 сая тонн нүүрсийг нэг тонныг нь 105 ам.доллар байна хэмээн төсвөө баталсан. Гэтэл нүүрсний үнэ 38 хувиар унаад байна. 

Учир нь БНХАУ 2020 оноос хойш өнөөдрийг хүртэл гангийн үйлдвэрлэл нь эрчимтэй буурсаар сүүлийн 4 жилийн дотор 5.6 хувиар гангийн эрэлт багассан байна. Энэ нь тус улсын ган хамгийн их ашиглагддаг үл хөдлөхийн салбар зогсонги байдалд орсонтой шууд хамааралтай байна. 

Учир нь 1995 оноос хойш төрсөн үеийнхэн амьдрах байраа лизингээр авч авахаас илүү хялбар амьдрах аргыг сонгож байгаа нь ч Хятадын үл хөдлөх хөрөнгийн зах зээл өсөлтөөс ухралт руу шилжихэд нөлөөлж байна.

2024 онд тус улсын гангийн эрэлт 4.4 хувиар, харин энэ онд 1.5 хувиар нэмж буурах төлөвтэй байгаа нь Хятадын барилгын салбар, орон сууцжуулах хөтөлбөрүүд үндсэндээ саарч байгаатай холбоотой. Хятадын Ардын Их Хурлын дараа тус улс цаашид гангийн үйлдвэрлэлээ 15 хүртэлх хувиар бууруулах нь нүүрстөрөгчийн хэт ялгаруулалтыг бууруулахад чухал ач холбогдолтой хэмээн мэдэгдлээ.

Урд хөршийн гангийн эрэлт багасах тусам коксжих нүүрсний хэрэглээ мөн дагаж буурах эрсдэлтэй байгаан Монгол Улсын хувьд эрсдэл дагуулж буйг  хуралдаанаар онцоллоо.