Ашиглалтад оруулсан барилга угсралт, их засварын ажлын өртөг 2024 онд 8.49 их наяд төгрөгт хүрчээ. Нийт өртгийн 2.97 (35.02%) их наяд төгрөгийг орон сууцны барилга эзэлж байна. Ашиглалтад оруулсан орон сууцны барилгын ажлын өртөг 2024 онд 2.9 их наяд төгрөг болж, өмнөх оноос 900.0 тэрбум төгрөг буюу 43%-р нэмэгдсэн байна. Нийт ашиглалтад оруулсан орон сууцны барилгын ажлын өртгийг эдийн засгийн бүс нутгаар хуваан харвал, Төвийн бүс хамгийн их хэмжээгээр буюу өмнөх оноос 72%-р нэмэгдсэн байна. Харин эсрэгээрээ Баруун бүс ажлын өртөг нь өмнөх оноос 16%-р буурсан үзүүлэлттэй байна.

Эх сурвалж-1212.мн /АШИГЛАЛТАД ОРУУЛСАН ҮНДСЭН ФОНД мэдээллэл-2025-02-13 байдлаар/

Ашиглалтад оруулсан үндсэн фонд гэдэг нь барилга байгууламж, объект баригдаж эхэлснээс хойш ашиглалтад орох хүртэл тухайн барилга объектод зарцуулсан нийт зардлын хэмжээ буюу төсөвт өртөг юм.